മാന്നാര് : ലോകമാതൃഭാഷാദിനം പരുമല സെമിനാരി എല്.പി സ്കൂളില് ആഘോഷിച്ചു. രാവിലെ നടന്ന സ്കൂള് അസംബ്ലിയില് പരുമല സെമിനാരി മാനേജര് ഫാദര് വിനോദ് ജോര്ജ് മാതൃഭാഷാദിന സന്ദേശം നല്കി. അദ്ധ്യാപകരും കുട്ടികളും ചേര്ന്ന് ഭാഷാ പ്രതിജ്ഞ ചൊല്ലി. നീണ്ട ഇടവേളയ്ക്കുശേഷം വിദ്യാര്ത്ഥികള് സ്കൂളില് എത്തിയ ദിനത്തില് സ്കൂള് പ്രധാനാദ്ധ്യാപകന് അലക്സാണ്ടര് പി.ജോര്ജിന്റെ നേതൃത്വത്തില് ഹൃദ്യമായ സ്വീകരണമാണ് ഒരുക്കിയത്.
