തൃശൂര് : കൊള്ളപ്പലിശ ഈടാക്കി പണമിടപാട് നടത്തിയ പ്രതി അറസ്റ്റില്. കൂട്ടാല പുത്തന്പുരക്കല് വീട്ടില് ഗിരീഷാണ് (40) അറസ്റ്റിലായത്. മണ്ണുത്തി പോലീസ് ആണ് പ്രതിയെ അറസറ്റ് ചെയ്തത്. മണ്ണുത്തി പോലീസ് ഗിരീഷിന്റെ വീട്ടില് പരിശോധന നടത്തിയതില് എഴുതാത്ത ചെക്കുകളും മുദ്രപ്പത്രങ്ങളും വാഹനങ്ങളുടെ ആര്.സി ബുക്കുകളും പിടിച്ചെടുത്തു. ഇയാള് ചെക്കും മുദ്രപ്പത്രങ്ങളും ആര്.സി ബുക്കുകളും ഈടുവാങ്ങി വന് പലിശയീടാക്കി നല്കിയിരുന്നു എന്ന രഹസ്യവിവരത്തിന്റെ അടിസ്ഥാനത്തിലായിരുന്നു പരിശോധന.
കമ്മീഷണര് ആര്. ആദിത്യയുടെ നിര്ദേശ പ്രകാരം ഒല്ലൂര് അസി. പോലീസ് കമ്മീഷണറായ കെ.സി. സേതുവിന്റെ നേതൃത്വത്തില് മണ്ണുത്തി പോലീസ് സ്റ്റേഷന് ഇന്സ്പെക്ടര് എം ശശിധരന്പിള്ള, സബ് ഇന്സ്പെക്ടര്മാരായ പി.ആര്. മനോജ്, കെ.എസ്. ജയന്, അസി. സബ് ഇന്സ്പെക്ടര്മാരായ സുജിത്ത് കുമാര്, ശ്രീജ, സീനിയര് സിവില് പോലീസ് ഓഫീസറായ ജോഷി, സിന്ധു, രഘുരാം എന്നിവരടങ്ങുന്ന സംഘമാണ് പ്രതിയെ പിടികൂടിയത്.
