പത്തനംതിട്ട : സാമൂഹ്യ പ്രവർത്തക ഡോ എം. എസ്. സുനിലിന്റെ 165 -മത് സ്നേഹഭവനം ഏനാത്തു വലിയാലിൻ വിളയിൽ ഓമനക്കും കുടുംബത്തിനും വിദേശ മലയാളിയായ ഷിനു ഉമ്മന്റെ സഹായത്താൽ നിർമ്മിച്ചു നൽകി. വീടിന്റെ താക്കോൽദാനവും ഉദ്ഘാടനവും ഡോ. എം എസ്. സുനിൽ നിർവഹിച്ചു.
കിടപ്പാടം ഇല്ലാതിരുന്ന ഇവര് വർഷങ്ങൾക്ക് മുൻപ് വയലിൽ നാലു സെന്റ് സ്ഥലം വാങ്ങിയിരുന്നു. അതില് ഷെഡ് കെട്ടിയായിരുന്നു പ്രായമായ മാതാപിതാക്കളോടൊപ്പം ഇവര് കഴിഞ്ഞിരുന്നത്. നിത്യവൃത്തിക്കു പോലും വകയില്ലാതെ വയലിൽ ഷെഡ് കെട്ടി ഇവര് താമസിക്കുന്നതുകണ്ട സുനില് ടീച്ചർ 2 മുറികളും ഹാളും അടുക്കളയും ശുചിമുറിയും സിറ്റ്ഔട്ടും അടങ്ങിയ വീട് നിർമ്മിച്ചു നൽകുകയായിരുന്നു. ചടങ്ങിൽ വാർഡ് മെമ്പർ രാധാമണി.ബി , എം. എം. സാമുവൽ, കെ. പി. ജയലാൽ, പ്രൊഫ. എം. കെ. ജോൺ, എം. ജെ.ശോശാമ്മ, സന്തോഷ്. എം. സാം, ഷീബ സന്തോഷ് എന്നിവർപങ്കെടുത്തു.
