ആലപ്പുഴ : ഹരിപ്പാട് കാർത്തികപ്പള്ളി സ്കൂളിൽ നടക്കുന്ന പ്രവേശനോത്സവത്തിൽ പങ്കെടുക്കാൻ ആഭ്യന്തരമന്ത്രി രമേശ് ചെന്നിത്തല എത്തുന്നതിന്റെ മുന്നോടിയായി എസ്എഫ്ഐ പ്രവർത്തകരെ കരുതൽ തടങ്കലിലാക്കി. എസ്എഫ്ഐ ജില്ലാ സെക്രട്ടറിയേറ്റ് അംഗം ആഷിഖ് ഉൾപ്പെടെയുള്ള പ്രവർത്തകര് പ്രവേശനോത്സവ ദിനത്തില് കുട്ടികൾക്ക് മിഠായികൾ വിതരണം ചെയ്യാൻ എത്തിയതായിരുന്നു. എന്നാൽ ഇവർ കൊടികളുമായി എത്തിയതിനാല് സംഘർഷ സാധ്യത മുന്നിൽ കണ്ട് ഇവരെ കരുതൽ തടങ്കലിൽ ആക്കുകയായിരുന്നു. കൊടിയുമായി സ്കൂളിൽ കയറാൻ അനുവദിക്കില്ലെന്ന് എസ്എഫ്ഐ പ്രവർത്തകരോട് പോലീസ് പറഞ്ഞിരുന്നു. തുടർന്ന് പോലീസും പ്രവർത്തകരും തമ്മിൽ വാക്കേറ്റമുണ്ടായി. മന്ത്രി പങ്കെടുക്കുന്ന പരിപാടി ആയതിനാൽ സംഘർഷ സാധ്യത കണക്കിലെടുത്താണ് പ്രവർത്തകരെ കരുതൽ തടങ്കലിലാക്കിയത് എന്നാണ് പോലീസ് പറഞ്ഞത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
