തിരുവനന്തപുരം: കൊട്ടാരക്കര താലൂക്ക് ആശുപത്രിയില് യുവ ഡോക്ടര് ഡ്യൂട്ടിക്കിടെ കൊല ചെയ്യപ്പെട്ടതിന്റേയും വര്ദ്ധിച്ചു വരുന്ന ആശുപത്രി ആക്രമണങ്ങളുടേയും പശ്ചാത്തലത്തില് സര്ക്കാര് ആശുപത്രികളില് സുരക്ഷ വര്ദ്ധിപ്പിക്കുന്നതിനും മരണഭയം കൂടാതെ ആരോഗ്യ പ്രവര്ത്തകര്ക്ക് ജോലി ചെയ്യുന്നതിനും നടപടി സ്വീകരിക്കണമെന്ന് കെ ജി എം ഒ എ ആവശ്യപ്പെട്ടു. നിരവധി ആവശ്യങ്ങളാണ് കെ ജി എം ഒ എ സര്ക്കാരിന് മുന്നില് വച്ചിരിക്കുന്നത്.
പോലീസ് കസ്റ്റഡിയില് ഉള്ള ആളുകളെ മെഡിക്കല് പരിശോധനയ്ക്ക് വിധേയമാക്കുന്നതിനായി ജയിലില് സൗകര്യങ്ങള് ഏര്പ്പെടുത്തുകയും കൂടുതല് ഡോക്ടര്മാരെ ജയിലില് ഡ്യൂട്ടിക്ക് നിയമിക്കുകയും ചെയ്യുക.. ആശുപത്രി സംരക്ഷണ നിയമം പരിഷ്കരിച്ചുള്ള ഓര്ഡിനന്സ് പുറപ്പെടുവിക്കുക, സിസിടിവി ഉള്പ്പടെയുളള സെക്യൂരിറ്റി സംവിധാനങ്ങള് ഉള്പ്പെടുത്തിയും പരിശീലനം സിദ്ധിച്ച വിമുക്തഭടന്മാരെ സെക്യൂരിറ്റി ജീവനക്കാരായി നിയമിച്ചും ആശുപത്രികളിലെ സുരക്ഷ വര്ധിപ്പിക്കുക, അത്യാഹിത വിഭാഗം പ്രവര്ത്തിക്കുന്ന ആരോഗ്യ സ്ഥാപനങ്ങളില് ആംഡ് റിസര്വ് പോലീസിനെ നിയമിച്ച് പോലീസ് എയ്ഡ് പോസ്റ്റുകള് സ്ഥാപിക്കുക തുടങ്ങിയവയാണ് കെ ജി എം ഒ എയുടെ പ്രധാന ആവശ്യങ്ങള്.
