ദില്ലി: കേന്ദ്രസര്ക്കാര് മന്ത്രി സജി ചെറിയാന് വിദേശയാത്ര അനുമതി നിഷേധിച്ചു. മലയാളം മിഷന്റെ പരിപാടികളില് പങ്കെടുക്കാന് ആയിരുന്നു മന്ത്രി ഗള്ഫിലേക്ക് പോകേണ്ടിയിരുന്നത്. നാളെ രാവിലെ അജ്മാനിലും വൈകിട്ട് ബഹ്റൈനിലും ആയിരുന്നു മന്ത്രിയുടെ പരിപാടികള് തീരുമാനിച്ചിരുന്നത്. ഇതേതുടര്ന്ന് സജി ചെറിയാന്റെ യുഎഇ ബഹ്റൈന് യാത്ര റദ്ദാക്കി.
അതേസമയം നേരത്തേ മുഖ്യമന്ത്രി പിണറായി വിജയനും കേന്ദ്രം വിദേശയാത്രാനുമതി നിഷേധിച്ചിരുന്നു. മെയ് ഏഴിനായിരുന്നു മുഖ്യമന്ത്രി യുഎഇയിലേക്ക് പോകാന് തീരുമാനിച്ചിരുന്നത്. യുഎഇ സര്ക്കാരിന്റെ പ്രത്യേക ക്ഷണം അനുസരിച്ച് നാല് ദിവത്തെ സന്ദര്ശനമായിരുന്നു നിശ്ചയിച്ചിരുന്നത്. വാര്ഷിക നിക്ഷേപ സമ്മേളനത്തില് പങ്കെടുക്കാനായിരുന്നു യുഎഇ യാത്ര. മുഖ്യമന്ത്രിക്കൊപ്പം മന്ത്രിമാരായ പി രാജീവും പിഎ മുഹമ്മദ് റിയാസും യുഎഇ സന്ദര്ശനത്തിനുണ്ടായിരുന്നു. മൂവരും വിവിധ ചടങ്ങുകളില് പങ്കെടുക്കാനും തീരുമാനിച്ചിരുന്നു.
