ന്യൂഡല്ഹി : ഹോട്ടൽ തന്റെ പേരിൽ എഴുതി നൽകാത്തതിന് മകൻ അച്ഛനെയും അമ്മയെയും വെടിവെച്ച് കൊന്നു. 58 കാരനായ ചന്ദ്രഭാനും ഭാര്യയുമാണ് കൊല്ലപ്പെട്ടത്. ഇയാൾ ഒരു ഹോട്ടൽ നടത്തി വരികയായിരുന്നു. ഹോട്ടല് തനിക്ക് എഴുതി നൽകണമെന്നായിരുന്നു മകൻ തരുണിന്റെ ആവശ്യം. എന്നാൽ ഈ ആവശ്യം ചന്ദ്രഭാൻ നിഷേധിച്ചു. ശനിയാഴ്ച പുലര്ച്ചെ അച്ഛനും അമ്മയും ഉറങ്ങിക്കിടക്കുമ്പോഴാണ് തരുൺ ഇരുവരെയും വെടിവെച്ച് കൊന്നത്. കൊലപാതകത്തിന് പിന്നാലെ തരുൺ സംഭവ സ്ഥലത്തുനിന്ന് ഓടി രക്ഷപ്പെട്ടു. ഇയാൾ ഇപ്പോൾ ഒളിവിലാണ്. പ്രതിക്ക് വേണ്ടി പോലീസ് തിരച്ചിൽ ആരംഭിച്ചു.
