കാസര്കോട്: കാസര്കോട് കെഎസ്ആര്ടിസി ബസ് സ്റ്റേഷന് സമീപം വീടിന് തീപിടിച്ച് വീട്ടമ്മ പൊള്ളലേറ്റ് മരിച്ചു. ഐ സി ഭണ്ഡാരി റോഡരികിലെ സുരേന്ദ്ര നിവാസില് മാലിനി (72) ആണ് മരിച്ചത്. വെള്ളി പുലര്ച്ചെയാണ് വീടിന് തീപിടിച്ചത്. മാലിനി തനിച്ചായിരുന്നു താമസം. കാസര്കോട് ടൗണ് പോലീസ് ഇന്ക്വസ്റ്റ് നടത്തിയ മൃതദേഹം പോസ്റ്റുമോര്ട്ടത്തിനായി പരിയാരം കണ്ണൂര് ഗവ. മെഡിക്കല് കോളേജ് ആശുപത്രിയിലേക്ക് കൊണ്ടുപോയി. സഹോദരങ്ങള്: ജയാനന്ദ, ജഗന്നാഥന്, രമണി.
