സ്ഥിരനിക്ഷേപങ്ങൾ അഥവാ ഫിക്സഡ് ഡെപ്പോസിറ്റുകൾ ജനപ്രിയമായ സമ്പാദ്യ മാർഗങ്ങളാണ്. എന്നാൽ അവ നികുതി ലാഭിക്കാൻ സഹായിക്കുന്നവയല്ല. എഫ്ഡിയിൽ നിന്നുള്ള പലിശ വരുമാനം വ്യക്തിയുടെ വരുമാനത്തിലേക്ക് ചേർക്കപ്പെടുന്നു. കൂടാതെ, 40,000 രൂപയ്ക്ക് മുകളിലുള്ള പലിശ വരുമാനത്തിന് (മുതിർന്ന പൗരന്മാർക്ക് 50,000 രൂപ) 10% ടിഡിഎസും ബാധമായിരിക്കും. എന്നാൽ ഈ നികുതി ബാധ്യതകൾ കുറയ്ക്കുന്നതിന് ചില വഴികളുണ്ട്. വിപണി സാഹചര്യങ്ങൾ കൈകാര്യം ചെയ്യാൻ കഴിയാത്ത വ്യക്തികളെ സംബന്ധിച്ച് സ്ഥിരമായ വരുമാനം നേടാനുള്ള ആകർഷമായ നിക്ഷേപമാർഗമാണ് സ്ഥിര നിക്ഷേപങ്ങൾ. നികുതിദായകരുടെ വരുമാനത്തിനനുസരിച്ചാണ് നികുതി നിരക്ക് വിലയിരുത്തുന്നതെന്നതിനാൽ, വരുമാന നിരക്ക് 30% ആണെങ്കിൽ വരുമാനം 30% ആയിരിക്കും. എന്നിരുന്നാലും എഫ്ഡികളിൽ നിന്നുള്ള പലിശ വരുമാനത്തിൽ നിന്ന് നികുതി ലാഭിക്കാൻ ചില വഴികളുണ്ട്. അവ ഏതൊക്കെയെന്നറിയാം.
ഫോം 15 ജി/ 15 എച്ച്
മൊത്തം വരുമാനം നികുതി വിധേയമായ പരിധിക്ക് കീഴിലാണെങ്കിൽ നികുതിദായകർ പലിശ വരുമാനത്തിൽ ടിഡിഎസ് നൽകേണ്ടതില്ല. അതായത്, നികുതിക്ക് വിധേയമായ വരുമാനം 2.5 ലക്ഷത്തിൽ കുറവാണെങ്കിൽ നികുതിദായകർക്ക് 15ജി/എച്ച് എന്നീ ഫോമുകൾ ബാങ്കിൽ സമർപ്പിക്കാം. ഫോം 15ജി 60 വയസ്സിന് താഴെടുള്ള വ്യക്തികൾക്കുള്ളതാണ്. 15 എച്ച് മുതിർന്ന പൗരന്മാർക്കും. പുതിയ സാമ്പത്തിക വർഷം ആരംഭിക്കുന്നതിന് മുമ്പ് നികുതിദായകർ ഈ ഫോമുകൾ സർപ്പിക്കേണ്ടതുണ്ട്. കൂടാതെ, സാമ്പ്ത്തിക വർഷം തുടങ്ങി അടുത്ത പാദത്തിനുളളിൽ ഫോം സമർപ്പിക്കാവുന്നതാണ്.
ഐടിആർ വഴി റീഫണ്ട് ചെയ്യാം
ഫോം 15G/H സമർപ്പിച്ചില്ലെങ്കിൽ നികുതിദായകർ ആശങ്കപ്പെടേണ്ടതില്ല. വരുമാന പരിധിയേക്കാൾ കുറവാണ് വരുമാനമെങ്കിൽ ഐടിആർ സമർപ്പിക്കുമ്പോൾ ഈ തുക ടിഡിഎസ് വഴി ബാങ്ക് അക്കൗണ്ടിലൂടെ കുറയ്ക്കാവുന്നതാണ്. ചെറിയ ആസൂത്രണത്തിലൂടെ ലാഭിക്കാം: മികച്ച ആസൂത്രണത്തിലൂടെ വരുമാനം ഉണ്ടാക്കാൻ കഴിയുമെന്നതു പോലെ തന്നെ നികുതിയും ലാഭിക്കാവുന്നതാണ്. ടിഡിഎസ് കണക്കാക്കുന്നത് മാർച്ചിലാണ്. അതിനാൽ, ഒരു സാമ്പത്തിക വർഷത്തിൽ 40,000 രൂപ വരെയുള്ള പലിശ വരുമാനത്തിൽ നികുതി ഈടാക്കുന്നത് തടയുന്ന വിധത്തിൽ എഫ്ഡി തുറക്കാവുന്നതാണ്. അതായത് വർഷത്തിന്റെ മധ്യത്തിൽ സെപ്റ്റംബർ മാസത്തിലോ മറ്റോ തന്ത്രപരമായി സ്ഥിരനിക്ഷേപം ആരംഭിക്കാം. ഈ സാഹചര്യത്തിൽ പലിശ വരുമാനം രണ്ടായി വിഭജിക്കപ്പെടും. ഇത്തരത്തിൽ ടിഡിഎസ് ഒഴിവാക്കാം.കുടുംബാംഗങ്ങളുടെ പേരിൽ എഫ്ഡി തുടങ്ങാം മറ്റൊരു തന്ത്രപരമായ മാർഗം കുടുംബത്തിലെ ആരുടെയെങ്കിലും പേരിൽ സ്ഥിരനിക്ഷേപം തുടങ്ങാമെന്നതാണ്. പങ്കാളിയുടേയോ, 60 വയസ്സു കഴിഞ്ഞ അച്ഛനമ്മമാരുടേയോ പേരിൽ ഇത്തരത്തിൽ സ്ഥിരവരുമാനം ആരംഭിക്കാവുന്നതാണ്.
വിവിധ ബാങ്കുകളിൽ എഫ്ഡി തുറക്കാം
നികുതി ബാധ്യത കുറയ്ക്കാൻ തിരഞ്ഞെടുക്കാവുന്ന ഏറ്റവും എളുപ്പമുള്ള മാർഗങ്ങളിൽ ഒന്നാണിത്. ഒരു ബാങ്കിൽ എഫ്ഡി തുറക്കുന്നതിനു പകരം വ്യത്യസ്ത ബാങ്കുകളിൽ ഒന്നിലധികം എഫ്ഡി തുറക്കാവുന്നതാണ്. ഒരു സാമ്പത്തിക വർഷത്തിൽ പലിശ വരുമാനം നിശ്ചിത പരിധിയായ 40,000 രൂപയിൽ കവിയുന്നില്ലെന്ന് ഇത് ഉറപ്പാക്കും. കുറഞ്ഞ കാലാവധിയിൽ നിക്ഷേപിക്കാം. കുറഞ്ഞ കാലയളവിലുള്ള സ്ഥിരനിക്ഷേപങ്ങൾ തിരഞ്ഞെടുക്കുമ്പോൾ ആ നിക്ഷേപത്തിൽ നിന്നുള്ള മൊത്തം പലിശ വരുമാനം ദീർഘകാല എഫ്ഡിയേക്കാൾ കുറവായിരിക്കും. അതിനാൽ, ഹ്രസ്വകാല സ്ഥിര നിക്ഷേപങ്ങളിലൂടെ പലിശ വരുമാനത്തിലെ നികുതി ബാധ്യത കുറയ്ക്കാവുന്നതാണ്.
