ചാരുംമൂട് : നൂറ് നാടന്മാര് സൗഹൃദ കൂട്ടായ്മയുടെ ‘ഹൃദയസ്പര്ശം – 2022’ പരിപാടിയുടെ ഭാഗമായി ദേശീയ ചലച്ചിത്ര അവാര്ഡ് ജേതാവ് നഞ്ചിയമ്മയടക്കമുള്ള പ്രതിഭകള്ക്ക് ആദരവ് നല്കി. മന്ത്രി പി. പ്രസാദ് ഉദ്ഘാടനം ചെയ്തു. വിവിധ മേഖലകളില് ശ്രദ്ധേയരായ സിറാജ് ഷാ, ഷെയ്ഖ് ഹസന്ഖാന്, അതുല് നറുകര തുടങ്ങിയവരെയും ആദരിച്ചു. എം.എസ്. അരുണ്കുമാര് എം.എല്.എ അവയവദാന സമ്മതപത്ര സമര്പ്പണം നിര്വഹിച്ചു.
കൂട്ടായ്മ പ്രസിഡന്റ് സനല് നൂറനാട് അധ്യക്ഷത വഹിച്ചു. പഞ്ചായത്ത് പ്രസിഡന്റുമാരായ സ്വപ്ന സുരേഷ്, ബി.വിനോദ്, സുശീല കുഞ്ഞമ്മ കുറുപ്പ് എന്നിവര് വിദ്യാര്ഥി പ്രതിഭകളെ അനുമോദിച്ചു. പടനിലം ക്ഷേത്ര ഭരണസമിതി പ്രസിഡന്റ് സി.ആര്. വേണുഗോപാല്, കൂട്ടായ്മ സെക്രട്ടറി അനുഗന്, ഗോകുല്, സതീഷ് കുമാര്, സുജിത്ത് പള്ളിക്കല്, കെ.ര മേശ്, പ്രവീണ് എന്നിവര് സംസാരിച്ചു.