കണ്ണൂര് : പന്ത്രണ്ടുകാരന് ബൈക്കോടിച്ചതിന് പിതാവിന് 13,500 രൂപ പിഴയിട്ട് പോലീസ്. ആറളം ചെടിക്കുളത്താണ് സംഭവം.ആറാം ക്ലാസ് വിദ്യാര്ഥി പിതാവിന്റെ ബൈക്കില് ആറളം-ചെടിക്കുളം റോഡില് ചുറ്റിയടിക്കുന്നത് ശ്രദ്ധയില്പ്പെട്ട നാട്ടുകാരാണ് മൊബൈല് ഫോണില് ദൃശ്യങ്ങള് പകര്ത്തി പോലീസിന് കൈമാറിയത്. തുടര്ന്ന് പോലീസ് സ്ഥലത്തെത്തി ബൈക്ക് കസ്റ്റഡിയിലെടുത്തു. ബൈക്കുടമയും കുട്ടിയുടെ പിതാവുമായി ചെടിക്കുളത്ത് കക്കോടി സ്വദേശിയെ സ്റ്റേഷനില് വിളിച്ചുവരുത്തുകയും പിഴയീടാക്കുകയുമായിരുന്നു.
