നഹർലഗൺ : അരുണാചൽ പ്രദേശിലെ ഇറ്റാനഗറിൽ വൻ തീപിടിത്തം. തീപിടിത്തത്തിൽ 700 ലധികം കടകൾ കത്തിനശിച്ചു. നഹർലഗൺ മേഖലയിലാണ് തീപിടുത്തമുണ്ടായത്. ചൊവ്വാഴ്ചയായിരുന്നു സംഭവം. തീപിടിത്തത്തിന്റെ കാരണം ഇപ്പോഴും വ്യക്തമല്ല. അതേസമയം ഇതുവരെ ആളപായമൊന്നും റിപ്പോർട്ട് ചെയ്തിട്ടില്ല. ആദ്യ രണ്ട് മണിക്കൂറിനുള്ളിൽ 2 കടകളിൽ മാത്രമാണ് തീ പടർന്നത്. തീപിടുത്തത്തിന് പിന്നാലെ അഗ്നിശമന സേന സ്ഥലത്തെത്തിയിരുന്നു. എന്നാൽ തീ നിയന്ത്രണ വിധേയമാക്കാൻ കഴിയാതെ വന്നതോടെ ആളിപ്പടരുകയായിരുന്നു.
