പത്തനംതിട്ട : കെ പി റോഡിൽ വീടുകൾക്കരികിൽ ടാങ്കറിൽ കൊണ്ട് വന്ന് മനുഷ്യ വിസർജ്യം തള്ളിയതിന് രണ്ടുപേരെ അടൂർ പോലീസ് പിടികൂടി. കെ എൽ 53 സി 1531 എന്ന രജിസ്റ്റർ നമ്പരുള്ള ടാങ്കർ കസ്റ്റഡിയിലെടുത്തു. തൊടുപുഴ അറക്കുളം പടിഞ്ഞാറേതിൽ രാജിവ് ബാലകൃഷ്ണൻ (39), ചുനക്കര സൗത്ത് പള്ളിയുടെ തെക്കേതിൽ ഷഫീക് (29) എന്നിവരെയാണ് അറസ്റ്റ് ചെയ്തത്. ഏഴംകുളം പട്ടാഴിമുക്കിൽ ഇന്ന് വെളുപ്പിന് 2.45 നാണ് സംഭവം. അടൂർ ഡി വൈ എസ് പി ആർ ബിനുവിന്റെ നിർദേശപ്രകാരം എസ് ഐ നന്ദകുമാർ, ഏ എസ് ഐ പ്രകാശ്, സിവിൽ പോലീസ് ഓഫീസർമാരായ ദിലീപ്, സതീഷ് എന്നിവരടങ്ങിയ സംഘമാണ് നടപടികൾ സ്വീകരിച്ചത്.
