കൊച്ചി: കുവൈറ്റിലേക്ക് മനുഷ്യക്കടത്ത് നടത്തിയ കേസില് പരാതി നല്കിയ ഫോര്ട്ടുകൊച്ചി സ്വദേശിയായ യുവതിക്ക് ലക്ഷങ്ങള് വാഗ്ദാനം ചെയ്ത് വാട്സ്ആപ്പ് കോളുകള്.കേസില്നിന്ന് പിന്മാറിയാല് ലക്ഷങ്ങള് നല്കാമെന്നു പറഞ്ഞാണ് കഴിഞ്ഞ രണ്ടു മൂന്നു ദിവസങ്ങളായി യുവതിയുടെ നമ്പറിലെക്ക് കോളുകള് എത്തുന്നത്. യുവതിയുടെ കുടുംബം ഇക്കാര്യം പോലീസിനെ അറിയിച്ചിട്ടുണ്ട്. മനുഷ്യക്കടത്തില്നിന്ന് രക്ഷപ്പെട്ട് നാട്ടിലെത്തിയ തൃക്കാക്കര സ്വദേശിനി ഇന്നലെ എറണാകുളം സൗത്ത് പോലീസില് പരാതി നല്കി.
കഴിക്കാന് കൊടുത്തിരുന്നത് ഒരു കുബൂസ് മാത്രം. കുവൈത്തിലെ തടങ്കലില് നിന്ന് രക്ഷപ്പെട്ട് മാര്ച്ച് നാലിന് കൊച്ചിയിലെത്തിയ ഫോര്ട്ടുകൊച്ചി സ്വദേശിനി നേരിട്ടത് കൊടിയ പീഡനം. കുട്ടിയെ നോക്കാന് എന്നു പറഞ്ഞാണ് ഇവരെ അറസ്റ്റിലായ അജുമോന്റെ നേതൃത്വത്തില് കുവൈറ്റിലേക്ക് കയറ്റിവിട്ടത്. 60,000 രൂപയാണ് ശമ്പളം വാഗ്ദാനം ചെയ്തിരുന്നത്. പക്ഷേ മനുഷ്യക്കടത്തിന്റെ ആസൂത്രകനായ മജീദ് (എം.കെ. ഗസാലി) ഇവരെ മൂന്നരലക്ഷം രൂപയ്ക്ക് ഒരു അറബി കുടുംബത്തിന് വിറ്റതായാണ്പരാതി.
