സേലം : നാമക്കലിൽ മദ്യപിച്ച് പ്രശ്നമുണ്ടാക്കിയ ഭർത്താവിനെ തിളച്ച എണ്ണയൊഴിച്ച് കൊന്നകേസിൽ സ്ത്രീ അറസ്റ്റിലായി. എ.എസ്. പേട്ടയിലെ കൂലിത്തൊഴിലാളിയായ തങ്കരാശുവിനെ (45) കൊന്ന കേസിലാണ് ഭാര്യ സെൽവറാണി (40) അറസ്റ്റിലായത്. മദ്യപാനിയായ തങ്കരാശു അടിക്കടി വീട്ടിൽ വഴക്കുണ്ടാക്കുമായിരുന്നു.
കഴിഞ്ഞ 2-ാം തീയതിയും തങ്കരാശു മദ്യപിച്ചുവന്ന് വഴക്കുണ്ടാക്കിയപ്പോൾ കുപിതയായ ശെൽവറാണി തിളച്ച എണ്ണ തങ്കരാശുവിന്റെ ശരീരത്തിലൊഴിച്ചു. ഗുരുതര പൊള്ളലേറ്റ തങ്കരാശുവിനെ അയൽക്കാർ നാമക്കൽ സർക്കാർ ആശുപത്രിയിലാക്കി. കഴിഞ്ഞദിവസം തങ്കരാശു മരിച്ചു. നാമക്കൽ പോലീസ് സെൽവറാണിയെ അറസ്റ്റ് ചെയ്തു. ദമ്പതിമാർക്ക് ഒരു മകനും ഒരു മകളുമുണ്ട്.
