തിരുവനന്തപുരം : സംസ്ഥാനത്തെ ആംബുലന്സ് ഡ്രൈവര്മാര്ക്ക് ഐഡി കാര്ഡും യൂണിഫോമും ഏര്പ്പെടുത്തിയെന്ന് ഗതാഗത മന്ത്രി കെ ബി ഗണേഷ് കുമാര് അറിയിച്ചു. ഐസിയു സംവിധാനം ഉള്ള ആംബുലന്സിന് 10 കിലോമീറ്ററില് 2,500 രൂപയും സി ലെവല് ആംബുലന്സിന് 1,500 രൂപയും ബി ലെവല് ആംബുലന്സിന് 1000 രൂപയുമാണ് മിനിമം ചാര്ജ്. ഐസിയു സംവിധാനം ഉള്ള ആംബുലന്സ് അധിക കിലോമീറ്ററിന് 50 രൂപയും മറ്റുള്ളവയ്ക്ക് 40,30 രൂപ വീതവും ഈടാക്കും. ഇന്ത്യയില് ആദ്യമായാണ് ഒരു സംസ്ഥാനം ആംബുലന്സിന് താരിഫ് പ്രഖ്യാപിക്കുന്നത്.
വെന്റിലേറ്റര് ആംബുലന്സ് ഉപയോഗിക്കുന്ന ബിപിഎല് കാര്ഡ് ഉടമകള്ക്ക് 20 ശതമാനം ഇളവ് ഉണ്ടാകും. കാന്സര് രോഗികള്ക്കും 12 വയസ്സിന് താഴെയുള്ള കുട്ടികള്ക്കും ഓരോ കിലോമീറ്ററും രണ്ടു രൂപ വെച്ച് ഇളവ് നല്കുമെന്നും മന്ത്രി അറിയിച്ചു. തൊഴിലാളികളുമായി നടത്തിയ ചര്ച്ചയ്ക്ക് ശേഷമാണ് ധാരണയായത്. താരിഫുകള് ആംബുലന്സില് പ്രദര്ശിപ്പിക്കും. യാത്രാ വിവരങ്ങള് അടങ്ങിയ ലോഗ് ബുക്ക് ആംബുലന്സില് നിര്ബന്ധമാക്കുകയും സംശയം തോന്നുന്ന ആംബുലന്സുകളില് പരിശോധന നടത്തുകയും ചെയ്യണമെന്ന് മന്ത്രി അറിയിച്ചു. നേവി ബ്ലൂ ഷര്ട്ടും ബ്ലാക്ക് പാന്റും ആണ് യൂണിഫോം.
