കോഴഞ്ചേരി : വള്ളസ്സദ്യ വഴിപാട്, തിരുവോണത്തോണി അകമ്പടി സേവിക്കൽ, അഷ്ടമിരോഹിണി വള്ളസ്സദ്യ, ഉത്രട്ടാതി ജലമേള എന്നീ ചടങ്ങുകളിൽ പങ്കെടുക്കാൻ ഇടയാറന്മുള പള്ളിയോടം നീരണിഞ്ഞു. ഇടയാറന്മുള പള്ളിയോട സേവാസമിതിയുടെ ഉടമസ്ഥതയിലുള്ളതാണ് പള്ളിയോടം. എല്ലാ മിനുക്കുപണികളും തീർത്ത് വള്ളപ്പുരയിൽ ഗണപതിഹോമത്തിനുശേഷമാണ് നീരണിഞ്ഞത്. ആറന്മുള, ദേശദേവത ചെറുപ്പുഴക്കാട് ദേവീക്ഷേത്രം,
വിളക്കുമാടം കൊട്ടാരം, പുലിക്കുന്ന് മഹാദേവൻ എന്നീ ക്ഷേത്രങ്ങളിൽ പ്രത്യേക വഴിപാടുകളും പൂജകളും നടത്തി. പള്ളിയോട പ്രതിനിധികളായ വിജയകുമാർ ചുങ്കത്തിൽ, ഹരികുമാർ പുന്നൂർ, പ്രസിഡന്റ് എം.എൻ. സദാനന്ദൻ, വൈസ് പ്രസിഡന്റ് ഷാജി പാങ്ങാട്ട്, സെക്രട്ടറി കെ.പി. പ്രതീഷ്കുമാർ, ജോയിന്റ് സെക്രട്ടറി കെ.കെ. കുട്ടൻപിള്ള, ട്രഷറർ കെ.ജി. രവീന്ദ്രൻ നായർ, ക്യാപ്റ്റൻ അനൂപ് കുമാർ എന്നിവർ നേതൃത്വം നൽകി.
