ഇടുക്കി : കോളജ് ക്യാംപസില് അക്രമവും കൊലപാതകവും നടന്നിട്ടില്ലെന്ന് പ്രിന്സിപ്പാള്. എന്ജിനീയറിങ് കോളജിന് പുറത്താണ് സംഘര്ഷമുണ്ടായതെന്ന് പ്രിന്സിപ്പല് ഡോ.എം.ജെ ജലജ. പുറത്തു നിന്ന് ആരും ക്യാംപസില് കയറിയിട്ടില്ല. തിരഞ്ഞെടുപ്പുമായി ബന്ധപ്പെട്ട് തര്ക്കങ്ങള് മാത്രമാണുണ്ടായതെന്നും പ്രിന്സിപ്പല് പറഞ്ഞു. കോലപാതകം പുറത്താണ് നടന്നതെന്ന് പ്രിന്സിപ്പാള് മാധ്യമങ്ങളോട് പറഞ്ഞു. അതേസമയം ഇടുക്കി ഗവണ്മെന്റ് എന്ജിനിയറിങ് കോളജില് കുത്തേറ്റു കൊല്ലപ്പെട്ട എസ്എഫ്ഐ പ്രവര്ത്തകന് ധീരജിന്റെ കൊലപാതകം രാഷ്ട്രീയ വിരോധത്തെ തുടര്ന്നെന്ന് എഫ്.ഐ.ആര്.
പിടിയിലായ നിഖിലിന്റേയും ജെറിന്റേയും അറസ്റ്റ് രേഖപ്പെടുത്തി. നിഖില് പൈലിക്കെതിരെ കൊലക്കുറ്റമടക്കമുള്ള വകുപ്പുകള് ചുമത്തി. വധശ്രമത്തിനും സംഘം ചേര്ന്നതിനുമാണ് ജെറിന് ജോജോയ്ക്കെതിരെ കേസ്. കൃത്യത്തിന് പിന്നില് കൂടുതല്പേര്ക്ക് പങ്കുണ്ടോയെന്നും പോലീസ് അന്വേഷിക്കും. അതേസമയം ധീരജ് രാജേന്ദ്രന്റെ മൃതദേഹം ഇന്ന് സംസ്കരിക്കും. തളിപ്പറമ്പ് പട്ടപ്പാറ പൊതുശ്മശാനത്തിലാണ് സംസ്കാരം തൃച്ചംബരത്ത് ധീരജിന്റെ വീടിനോട് ചേര്ന്ന് സിപിഎം വിലയ്ക്ക് വാങ്ങിയ എട്ട് സെന്റ് ഭൂമിയില് ഓര്മയ്ക്കായി സ്മാരകം പണിയും. ധീരജിന്റെ മൃതദേഹം സി.പി.എം ഇടുക്കി ജില്ലാ കമ്മിറ്റി ഓഫിസില് പൊതുദര്ശനത്തിന് വയ്ക്കും.
