കോന്നി: അനധികൃതമായി പാറ കടത്ത് സംബന്ധിച്ച പരാതിയെ തുടർന്ന് പോലീസ് നടത്തിയ പരിശോധനയിൽ മൂന്ന് വാഹനങ്ങൾ പിടിച്ചെടുത്തു. സംഭവത്തിൽ മൂന്നു പേരെ പോലീസ് അറസ്റ്റ് ചെയ്തു. പാറ ഖനനത്തിന് ഉപയോഗിച്ച എസ്കവേറ്ററിന്റെ ഓപ്പറേറ്റർ കൊല്ലം കടയ്ക്കൽ കുമ്മിൾ വട്ടത്താമര മുല്ലക്കര കുന്നും പുറത്ത് രാഹുൽ (32), ടിപ്പർ ഡ്രൈവർമാരായ ഓമല്ലൂർ പുത്തൻപീടിക ശ്രീവിലാസം ശ്രീജിത്ത് (39), മലയാലപ്പുഴ താഴം പള്ളിക്കുഴി കൈമുട്ടിൽ അജിത് (30) എന്നിവരാണ് മലയാലപ്പുഴ പോലീസിന്റെ പിടിയിലായത്. മലയാലപ്പുഴ ചേറാടിയിൽ സ്വകാര്യ വ്യക്തിയുടെ പുരയിടത്തിൽ നിന്നും പച്ചമണ്ണ് നീക്കം ചെയ്തശേഷം പാറ എസ്കവേറ്റർ ഉപയോഗിച്ച് പൊട്ടിച്ചുമാറ്റി കൂട്ടിയിട്ട് ടിപ്പർ ലോറിയിൽ പാറ കയറ്റി കൊണ്ടിരിക്കുമ്പോഴാണ് പോലീസ് വാഹനങ്ങൾ പിടിച്ചെടുത്തത്.
മറ്റൊരു ടിപ്പർ പാറ കയറ്റാൻ കാത്തുകിടക്കുകയായിരുന്നു. ജില്ലാ പോലീസ് മേധാവിയുടെ നിർദേശപ്രകാരമാണ് അറസ്റ്റ്. അനുമതി പത്രമോ മറ്റോ ഇല്ലാതെയാണ് ഖനനവും കടത്തും നടന്നുകൊണ്ടിരുന്നത്. തുടർ നടപടികൾക്കായി വാഹനങ്ങൾ മെയിനിങ് ആൻഡ് ജിയോളജി ജില്ലാ ഓഫീസർക്ക് പോലീസ് കൈമാറി. മലയാലപ്പുഴ പോലീസ് ഇന്സ്പെക്ടർ കെ എസ് വിജയന്റെ നേതൃത്വത്തിൽ എസ് ഐ അനീഷ് ടി, സിപി ഓമാരായ സുധീഷ്, ഇർഷാദ്, രഞ്ജിത്, വിഷ്ണു എന്നിവരടങ്ങിയ സംഘമാണ് പരിശോധന നടത്തി നടപടി സ്വീകരിച്ചത്.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്
മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.
