പന്തളം : കുടുംബ ബന്ധങ്ങൾ ദൃഢമായാലെ സാമൂഹ്യ പുരോഗതി കൈവരിക്കാനാകു എന്ന് ഡെപ്യൂട്ടി സ്പീക്കർ ചിറ്റയം ഗോപകുമാർ പറഞ്ഞു .എന്നാൽ തിരക്കേറിയ ജീവിതശൈലിയും ഇന്നത്തെ തലമുറയുടെ താത്പര്യങ്ങളിലുണ്ടായ വ്യത്യാസവും കുടുംബ ബന്ധങ്ങളിൽ പലപ്പോഴും വിള്ളലുകൾ ഉണ്ടാക്കുന്നതിന് കാരണമാകുന്നു. പല വീടുകളിൽ പോലും പരസ്പരം സംസാരിക്കാൻ സമയം ഇല്ലാത്ത സ്മാർട്ട്ഫോൺ മാത്രം നോക്കി അതിലൂടെ അവർ ലോകവിവരങ്ങൾ അറിയുകയും പങ്ക് വെയ്ക്കുകയും ചെയ്യുന്ന സ്ഥിതി ആണിപ്പോൾ. അത് മാറണമെന്നും ബന്ധങ്ങൾ കൂടുതൽ ദൃഢമായാലെ ഉയർച്ച സാധ്യമാവുകയുള്ളു എന്നും ചിറ്റയം കൂട്ടിച്ചേർത്തു.
തുമ്പമൺ മാമ്പിലാലി സഹൃദയ റസിഡൻസ് അസോസിയേഷന്റെ ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം. അസോസിയേഷൻ പ്രസിഡന്റ് സൈമൺ ജോർജ് അധ്യക്ഷനായിരുന്നു. തുമ്പമൺ ഗ്രാമപഞ്ചായത്ത് പ്രസിഡന്റ് റോണി സഖറിയ മുഖ്യപ്രഭാഷണം നടത്തി. സാംകുട്ടി പി ജി, മാത്യു എൻ ഗീവർഗീസ്, എം ടി തോമസ്, കുഞ്ഞുമോൾ വിനു, എം കെ തോമസുകുട്ടി തുടങ്ങിയവർ ചടങ്ങിൽ സംസാരിച്ചു. ലോഗോ പ്രകാശനം സിനി ആർട്ടിസ്റ്റ് സജിൻ ജോൺ നിർവ്വഹിച്ചു.
