പത്തനംതിട്ട : പൂർത്തിയാകാത്ത വികസന പ്രവർത്തനങ്ങൾ ഉദ്ഘാടനം ചെയ്ത് ആരോഗ്യമന്ത്രി ആറന്മുളയിലെ ജനങ്ങളെ വഞ്ചിക്കുകയാണെന്ന് കെ.പി.സി.സി. ജനറൽ സെക്രട്ടറി പി. മോഹൻരാജ്. തന്റെ പരാജയം ഉറപ്പായതുകൊണ്ടാണ് മന്ത്രി ഇത് ചെയ്യുന്നതെന്നും അദ്ദേഹം ആരോപിച്ചു. പത്തനംതിട്ട വൈ.എം.സി.എ.ഹാളിൽ നടന്ന യു.ഡി.എഫ്. പത്തനംതിട്ട ടൗൺ മണ്ഡലം തിരഞ്ഞെടുപ്പ് കൺവെൻഷൻ ഉദ്ഘാടനം ചെയ്ത് സംസാരിക്കുകയായിരുന്നു പി. മോഹൻരാജ്. യു.ഡി.എഫ്. മണ്ഡലം പ്രസിഡന്റ് എൻ.എ. നൈസാം അധ്യക്ഷത വഹിച്ചു. കൺവീനർ റെനീസ് മുഹമ്മദ് സ്വാഗതം ആശംസിച്ചു.
എ.ഐ.സി.സി. സെക്രട്ടറിയും മണ്ഡലം നിരീക്ഷകയുമായ സരിത ലെയ്റ്റ് ഫ്ലാങ്ങ്, സിന്ധു അനിൽ, എ.ഷംസുദീൻ, ടി.എം.ഹമീദ്, ജോൺ കെ.മാത്യൂസ്, തോമസ് ജോസഫ്, അഡ്വ.എ.സുരേഷ് കുമാർ, അഡ്വ.ഹൻസലാഹ് മുഹമ്മദ്, എം.എച്ച്.ഷാജി, എ. ജാസിംകുട്ടി, എ.സഗീർ, റോഷൻ നായർ, രജനി പ്രദീപ്, മുഹമ്മദ് സാലി എന്നിവർ കൺവെൻഷനിൽ സംസാരിച്ചു. തുടർന്ന് സ്ഥാനാർത്ഥി അബിൻ വർക്കിക്ക് സ്വീകരണം നൽകി. കണ്ണൂരിൽ ആരോഗ്യമന്ത്രിയെ കരിങ്കൊടി കാണിച്ച് ജയിൽവാസമനുഭവിച്ച കെ.എസ്.യു. കണ്ണൂർ ജില്ലാ പ്രസിഡന്റ് അതുൽ ഉൾപ്പെടെയുള്ളവർക്കും കൺവെൻഷനിൽ സ്വീകരണം നൽകി.
