കോന്നി : വ്യാജ പോക്സോ പരാതിയിൽ നിരപരാധികളായ യുവാക്കളെ മർദ്ദിച്ചതിൽ പ്രതിഷേധിച്ച് എ.ഐ.വൈ.എഫ് കൂടൽ മണ്ഡലം കമ്മിറ്റിയുടെ നേതൃത്വത്തിൽ കൂടൽ പോലീസ് സ്റ്റേഷനിലേക്ക് പ്രതിഷേധ മാർച്ചും ധർണ്ണയും നടത്തി. എ.ഐ.വൈ.എഫ് സംസ്ഥാന കമ്മിറ്റി അംഗം അജിത്ത് ശാന്തകുമാർ ധര്ണ്ണ ഉദ്ഘാടനം ചെയ്തു. കൂടൽ മണ്ഡലം പ്രസിഡന്റ് ഷിഹാബുദ്ദീൻ അധ്യക്ഷത വഹിച്ചു. എ.ഐ.വൈ.എഫ് കൂടൽ മണ്ഡലം സെക്രട്ടറി അശ്വിൻ എസ്. സ്വാഗതം ആശംസിച്ചു.
സി.പി.ഐ കൂടൽ മണ്ഡലം സെക്രട്ടറി സന്തോഷ് കൊല്ലൻപടി, സി.പി.ഐ ജില്ലാ കൗൺസിൽ അംഗം സി.കെ അശോകൻ, കൂടൽ മണ്ഡലം അസിസ്റ്റന്റ് സെക്രട്ടറി സുഭാഷ് കുമാർ, എ.ഐ.വൈ.എഫ് ജില്ലാ ജോയിന്റ് സെക്രട്ടറി ആർ.ഹനീഷ്, ജില്ലാ വൈസ് പ്രസിഡന്റ് റീന സുധീഷ്, ജില്ലാ കമ്മിറ്റി അംഗങ്ങളായ പ്രശാന്ത് പാടം, രതീഷ് കുന്നിട, എ.ഐ.എസ്.എഫ് മണ്ഡലം സെക്രട്ടറി മഞ്ചേഷ് മോഹൻ, എ.ഐ.എസ്.എഫ് മണ്ഡലം പ്രസിഡന്റ് ആൽബിൻ, സി.പി.ഐ നേതാക്കളായ റ്റി.തുളസീധരൻ, സതീശൻ പാലമല, രാജൻ ഉണ്ണിത്താൻ, കെ.പി സഹദേവൻ, അനന്തവിഷ്ണു തുടങ്ങിയവർ സംസാരിച്ചു.
