കോന്നി : വനമഹോത്സവം 2026 ന്റെ ഭാഗമായി കൊന്നപ്പാറ വി.എൻ.എസ്. കോളേജിൽ ഏകദിന വർക്ക്ഷോപ്പ് സംഘടിപ്പിച്ചു. കോന്നി വനവികസന ഏജൻസിയിലെ ആവോലിക്കുഴി, താവളപ്പാറ, എലിമുള്ളുംപ്ലാക്കൽ വനസംരക്ഷണ സമിതികളും കോളേജിലെ ഫോറസ്ട്രി ക്ലബും ചേർന്നാണ് ആർട്ടിഫിഷ്യൽ റീജനറേഷൻ ആൻഡ് സീഡ് ബോൾ പ്രിപ്പറേഷൻ ട്രെയിനിംഗ് നടത്തിയത്. കോന്നി റേഞ്ച് ഫോറസ്റ്റ് ഓഫീസർ എസ്. ശശീന്ദ്രകുമാർ പരിപാടി ഉദ്ഘാടനം ചെയ്തു. കോന്നി പി.എഫ്.എം. സെൽ റെയ്ഞ്ച് കോഡിനേറ്റർ പി.അഖിൽ ഗണേഷ് വർക്ക്ഷോപ്പിന്റെ പ്രാധാന്യം വിശദീകരിച്ചു.
കോളേജ് പ്രിൻസിപ്പൽ രഞ്ജിത്ത്, താവളപ്പാറ വനസംരക്ഷണ സമിതി സെക്രട്ടറി എസ്.അരുൺലാൽ, ബീറ്റ് ഫോറസ്റ്റ് ഓഫീസർ എം. ഷഹനാസ് എന്നിവര് സംസാരിച്ചു. കേരള വനം വന്യജീവി വകുപ്പിന്റെ ഫുഡ് ഫോഡർ ആന്റ് വാട്ടർ മിഷന്റെ ഭാഗമായി നടന്ന പ്രാക്ടിക്കൽ സെഷനിൽ വനംവകുപ്പ് ഉദ്യോഗസ്ഥരുടെയും അധ്യാപകരുടെയും മേൽനോട്ടത്തിൽ വിദ്യാർത്ഥികൾ വിവിധ ഫലവൃക്ഷങ്ങളുടെ സീഡ് ബോളുകൾ തയ്യാറാക്കി. ഇവ കുറച്ചു ദിവസങ്ങൾക്കുള്ളിൽ വനത്തിൽ നിക്ഷേപിക്കുകയാണ് ലക്ഷ്യം.
