ന്യൂഡല്ഹി : രാജ്യത്തെ തൊഴിലില്ലായ്മനിരക്കില് വര്ധനയെന്ന് ഇന്ത്യന് ഇക്കോണമി മോണിറ്ററിങ് സെന്ററിന്റെ (സി.എം.ഐ.ഇ.) കണക്ക്. അതേസമയം തൊഴിലില്ലായ്മ നിരക്ക് കേരളത്തില് ഗണ്യമായി കുറഞ്ഞു. ഒരുവര്ഷത്തിനിടെയുള്ള കുറഞ്ഞനിരക്കായ 4.8 ശതമാനം തൊഴിലില്ലായ്മയാണ് ഒക്ടോബറില് സംസ്ഥാനത്ത് രേഖപ്പെടുത്തിയത്.
കോവിഡ് ലോക്ഡൗണിനുശേഷം രാജ്യത്തെ തൊഴില്രംഗം മെച്ചപ്പെട്ടിരുന്നു. എന്നാല്, ഏറിയും കുറഞ്ഞും വീണ്ടും തൊഴിലില്ലായ്മ കൂടുന്നതായാണ് കണക്കുകള് സൂചിപ്പിക്കുന്നത്.
ഓഗസ്റ്റ് …………………8.38 ശതമാനം
സെപ്റ്റംബര്……… 6.4 ശതമാനം
ഒക്ടോബര്………… 7.8 ശതമാനം
ഹരിയാണയാണ് കഴിഞ്ഞമാസം ഏറ്റവുമുയര്ന്ന തൊഴിലില്ലായ്മ നിരക്ക് രേഖപ്പെടുത്തിയ സംസ്ഥാനം- 31.8 ശതമാനം. രാജസ്ഥാന്, ബിഹാര്, ഝാര്ഖണ്ഡ്, ത്രിപുര സംസ്ഥാനങ്ങളാണ് തൊഴിലില്ലായ്മയില് മുന്നിലുള്ള മറ്റു സംസ്ഥാനങ്ങള്. 0.8 ശതമാനം മാത്രമുള്ള മധ്യപ്രദേശാണ് തൊഴിലില്ലായ്മ കുറഞ്ഞ സംസ്ഥാനം. ഛത്തീസ്ഗഢിലും തൊഴിലില്ലായ്മ ഒരുശതമാനത്തില് താഴെയാണ്- 0.9 ശതമാനം.
