ന്യൂഡൽഹി : രാജ്യത്ത് കഴിഞ്ഞ 24 മണിക്കൂറിനിടെ 86,821 പേർക്ക് കൂടി കോവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 63,12,585 ആയി. ഒറ്റ ദിവസത്തിനിടെ 1,181 പേർ കൂടി രോഗം ബാധിച്ച് മരിച്ചു. ആകെ മരണം 98,678. ആരോഗ്യമന്ത്രാലയത്തിന്റെ റിപ്പോർട്ട് അനുസരിച്ച് നിലവിൽ 9,40,705 പേർ ചികിത്സയിലാണ്. ഇതുവരെ 52,73,202 പേർ രോഗമുക്തരായി.
ഏറ്റവും കൂടുതൽ രോഗബാധിതരുള്ള മഹാരാഷ്ട്രയില് ആകെ കേസുകള് 13,84,446 ആയി. രോഗികളുടെ എണ്ണത്തിൽ രണ്ടാം സ്ഥാനത്തുള്ള ആന്ധ്രാപ്രദേശിൽ 6,93,484 പേർക്കാണ് രോഗം. കർണാടകയിൽ 6,01,767 കേസുകളും തമിഴ്നാട്ടിൽ 5,97,602 കേസുകളും റിപ്പോർട്ട് ചെയ്തിട്ടുണ്ട്. ഉത്തർപ്രദേശിൽ 3,99,082 പേർക്കാണ് രോഗം.
