ന്യൂഡല്‍ഹി : കഴിഞ്ഞ 24 മണിക്കൂറിൽ ഇന്ത്യയിൽ പുതുതായി റിപ്പോർട്ട് ചെയ്തത് 9971 കൊവിഡ് കേസുകൾ. ലോക്ക് ഡൗൺ അഞ്ചാം ഘട്ടം തുടങ്ങി ഒരാഴ്ച തികയുമ്പോൾ ആണ് ദിനം പ്രതിയുടെ കൊവിഡ് കേസുകളുടെ വ‍ർധന പതിനായിരത്തിൽ എത്തുന്നത്. ഇതോടെ രാജ്യത്തെ ആകെ കൊവിഡ് കേസുകളുടെ എണ്ണം രണ്ടരലക്ഷത്തോട് അടുക്കുകയാണ്.
ഞായറാഴ്ച രാവിലെ കേന്ദ്ര ആരോഗ്യമന്ത്രാലയം പുറത്തു വിട്ട കണക്കുകൾ പ്രകാരം ഇതുവരെ 2,46,628 കൊവിഡ് കേസുകളാണ് ഇന്ത്യയിൽ ഇതുവരെ റിപ്പോ‍ട്ട് ചെയ്തിരിക്കുന്നത്. കഴിഞ്ഞ 24 മണിക്കൂറിൽ 287 പേ‍ർ കൊവിഡ് ബാധിതരായി ഇന്ത്യയിൽ മരിച്ചു. ഇതോടെ രാജ്യത്തെ ആകെ കൊവിഡ് മരണങ്ങൾ 6929 ആയി ഉയർന്നു.
രാജ്യത്തെ ആകെ കൊവിഡ് രോഗികളുടെ 65 ശതമാനവും നാല് സ്ഥാനങ്ങളില്‍ ആയിട്ടാണെന്നാണ് കണക്ക്. മഹാരാഷ്ട്രയിൽ മാത്രം 90,000 ത്തിന് മുകളിൽ കൊവിഡ് കേസുകൾ റിപ്പോർട്ട് ചെയ്തു. ഡല്‍ഹിയിലും തമിഴ്നാട്ടിലും കാൽലക്ഷത്തിന് മേലെ കൊവിഡ് കേസുകളുണ്ട്. മുംബൈ, ചെന്നൈ, ഡല്‍ഹിയിലും . അഹമ്മദാബാദ് എന്നിവയാണ് രാജ്യത്തെ പ്രധാന കൊവിഡ് ഹോട്ട് സ്പോട്ടുകൾ.
