ലണ്ടൻ : പരമ്പരയിലെ നാലാം ടെസ്റ്റിൽ ഇന്ത്യയ്ക്കെതിരേ ടോസ് നേടിയ ഇംഗ്ലണ്ട് ബൗളിങ് തെരഞ്ഞെടുത്തു. രണ്ടു മാറ്റങ്ങളോടെയാണ് ഇന്ത്യ കളത്തിലിറങ്ങുന്നത്. ഇഷാന്ത് ശർമയ്ക്കും മുഹമ്മദ് ഷമിക്കും പകരം ഉമേഷ് യാദവും ഷാർദുൽ താക്കൂറും ടീമിലിടം നേടി. സ്പിന്നർ ആർ. അശ്വിന് ഇത്തവണയും ടീമിൽ ഇടംപിടിക്കാൻ സാധിച്ചില്ല. ഇംഗ്ലണ്ട് ടീമിൽ ജോസ് ബട്ട്ലർക്കും സാം കറനും പകരം ഒലി പോപ്പും ക്രിസ് വോക്സും ഇടം നേടി.
പരമ്പരയിൽ ഇരു ടീമും 1-1ന് സമനിലയിലാണ്. ആദ്യടെസ്റ്റ് സമനിലയായപ്പോൾ രണ്ടാം ടെസ്റ്റിൽ ഇന്ത്യ 151 റൺസിന്റെ അപ്രതീക്ഷിത വിജയംനേടി. കഴിഞ്ഞയാഴ്ച നടന്ന മൂന്നാം ടെസ്റ്റിൽ ഇന്നിങ്സിനും 76 റൺസിനും ഇന്ത്യ തോറ്റു.