സെഞ്ചൂറിയൻ : ഇന്ത്യയുടെ ദക്ഷിണാഫ്രിക്കൻ പരമ്പരയ്ക്ക് തുടക്കം. സെഞ്ചൂറിയനിലെ സൂപ്പർ സ്പോർട്സ് പാർക്കിൽ നടക്കുന്ന പരമ്പരയിലെ ആദ്യ ടെസ്റ്റിൽ ടോസ് നേടി ബാറ്റിങ്ങിനിറങ്ങിയ ഇന്ത്യയ്ക്ക് ഭേദപ്പെട്ട തുടക്കമാണ് ലഭിച്ചത്. ഇന്ത്യയ്ക്കായി ഓപ്പൺ ചെയ്ത കെ.എൽ രാഹുൽ – മായങ്ക് അഗർവാൾ സഖ്യം ശ്രദ്ധയോടെയാണ് ബാറ്റ് വീശുന്നത്. നിലവിൽ വിക്കറ്റ് നഷ്ടമില്ലാതെ 42 റൺസെന്ന നിലയിലാണ് ഇന്ത്യ.
ഏകദിനത്തിലും ട്വന്റി 20-യിലും രോഹിത് ശർമയെ ക്യാപ്റ്റനാക്കിയതോടെ ഇന്ത്യൻ ടീമിലുണ്ടായ പൊട്ടിത്തെറികൾക്കുശേഷമുള്ള ആദ്യമത്സരമാണിത്. ടെസ്റ്റിൽ ക്യാപ്റ്റനായി തുടരുന്ന വിരാട് കോലിക്കുമുന്നിൽ പുതിയ വെല്ലുവിളികളുണ്ട്. ലോക ടെസ്റ്റ് ചാമ്പ്യൻഷിപ്പിൽ ദക്ഷിണാഫ്രിക്കയുടെ ആദ്യമത്സരമാണിത്. ഡീൻ എൽഗാറിന്റെ നേതൃത്വത്തിൽ പുതുനിര ടീമുമായാണ് ദക്ഷിണാഫ്രിക്ക ഇറങ്ങുന്നത്.