ശ്രീനഗര് : ജമ്മു കശ്മീരിലെ ഗുരെസ് സെക്ടറിലെ ബറോം മേഖലയില് ഇന്ഡ്യന് ആര്മിയുടെ ചീറ്റ ഹെലികോപ്റ്റര് തകര്ന്നു വീണു. ഗുരെസ് മേഖലയില് പരിക്കേറ്റ സൈനികനെ രക്ഷിക്കാനുള്ള യാത്രയ്ക്കിടെയാണ് ഹെലികോപ്റ്റര് തകര്ന്നതെന്ന് റിപ്പോർട്ടുകള് സൂചിപ്പിക്കുന്നു. വടക്കന് കശ്മീരിലെ നിയന്ത്രണ രേഖയിലാണ് (എല്എസി) സൈനിക ഹെലികോപ്റ്റര് തകര്ന്നു വീണത്. ഹെലികോപ്റ്റര് ജീവനക്കാരെ രക്ഷിക്കുന്നതിനായി സുരക്ഷാ സേനയുടെ തെരച്ചില് സംഘം മഞ്ഞുവീഴ്ചയുള്ള പ്രദേശത്തെത്തിക്കൊണ്ടിരിക്കെയാണെന്നും റിപ്പോർട്ടുണ്ട്. കൂടുതല് വിവരങ്ങള് അറിവായിട്ടില്ല.
