മലപ്പുറം : അനധികൃതമായി കടത്താന് ശ്രമിച്ച ഒരുകോടി 80 ലക്ഷത്തി അമ്പതിനായിരം രൂപയുടെ കുഴല്പണം പിടികൂടി. വളാഞ്ചേരിയില് പോലീസ് നടത്തിയ വാഹന പരിശോധനക്കിടെയാണ് പണം പിടികൂടിയത്. സംഭവത്തില് എറണാകുളത്ത് താമസിക്കുന്ന പൂണെ സ്വദേശികളായ ദമ്പതികളെ പോലീസ് പിടികൂടി.
ജില്ല പോലീസ് മേധാവി സുജിത്ത് ദാസിന് ലഭിച്ച രഹസ്യവിവരത്തെ തുടര്ന്നായിരുന്നു പരിശോധന. വളാഞ്ചേരി ജങ്ഷന് സമീപം കാത്തുനിന്ന് പോലീസ് സംഘം പണവുമായി എത്തിയ കാര് വളയുകയായിരുന്നു. കാറില് പരിശോധന നടത്തിയപ്പോഴാണ് സീറ്റിന് അടിയില് സൂക്ഷിച്ചിരുന്ന പണം കണ്ടെടുത്തത്. പിടികൂടിയ പണം കോടതിയില് ഹാജരാക്കും.
