ന്യൂഡല്ഹി : ഇന്ത്യക്കാര് എത്രയും പെട്ടെന്ന് അഫ്ഗാന് വിടണമെന്ന് ഇന്ത്യന് എംബസി. അഫ്ഗാനിസ്ഥാനില് സൈന്യവും താലിബാനും തമ്മിലെ സംഘര്ഷം രൂക്ഷമാകുന്ന സാഹചര്യത്തിലാണ് നിര്ദേശം. തങ്ങള് നീങ്ങുന്നത് വടക്കന് അഫ്ഗാനിസ്ഥാനിലെ ഏറ്റവും വലിയ നഗരമായ മസാറെ ശരീഫ് ലക്ഷ്യമാക്കിയാണെന്ന് താലിബാന് കഴിഞ്ഞ ദിവസം അറിയിച്ചിരുന്നു.
പ്രത്യേക വിമാനത്തില് തിരികെ വരാനാണ് ഇന്ത്യക്കാരോട് ആവശ്യപ്പെട്ടത്. മസാറെ ശരീഫിലെ ഇന്ത്യന് കോണ്സുലേറ്റ് ജനറലാണ് ഇതുസംബന്ധിച്ച നിര്ദേശം നല്കിയത്. ഇന്ന് വൈകിട്ട് ഡല്ഹിയിലേക്ക് പ്രത്യേക വിമാനം പുറപ്പെടും. മസാറെ ശരീഫിലും പരിസര പ്രദേശങ്ങളിലുമുള്ള ഇന്ത്യക്കാരോട് തിരികെ വരാനാണ് നിര്ദേശം . മസാറെ ശരീഫിലെ ഇന്ത്യന് കോണ്സുലേറ്റ് ഒഴിപ്പിച്ചു. രേഖകള് പ്രകാരം 1500 ഇന്ത്യക്കാരാണ് അഫ്ഗാനിസ്ഥാനിലുള്ളത്. ഇന്ത്യയിലേക്ക് മടങ്ങാന് ആഗ്രഹിക്കുന്നവര് പേരും പാസ്പോര്ട് നമ്പറും അറിയിക്കാന് കോണ്സുലേറ്റ് ആവശ്യപ്പെട്ടു.