ദില്ലി: ശരീരഭാരം കുറക്കാത്തവരോട് സ്വയം വിരമിക്കാന് ആവശ്യപ്പെടുമെന്ന് ആസാം പോലീസ്. പോലീസ് ഉദ്യോഗസ്ഥരുടെ ശരീരഭാരം സംബന്ധിക്കുന്ന കണക്കുകള് ഔദ്യോഗികമായി രേഖപ്പെടുത്തും. അമിതവണ്ണം ഉള്ളവര്ക്ക് ശരീരഭാരം കുറയ്ക്കാന് ഈ വര്ഷം നവംബര് വരെ സമയം നല്കുമെന്നും കുറക്കാത്തവരോട് സ്വയം വിരമിക്കാന് ആവശ്യപ്പെടുമെന്നും ഡിജിപി അറിയിച്ചു.
മുഖ്യമന്ത്രി ഹിമന്ത ബിശ്വ ശര്മ്മയുടെ നിര്ദ്ദേശപ്രകാരമാണ് ഈ തീരുമാനം എന്നും ഡിജിപി ഗ്യാനേന്ദ്ര പ്രതാപ് സിംഗ് വ്യക്തമാക്കി. ഐ.പി.എസ്, എ.പി.എസ് ഉദ്യോഗസ്ഥരുള്പ്പെടെ ആസാം പോലീസിലെ എല്ലാ ഉദ്യോഗസ്ഥരുടെയും ബോഡി മാസ് ഇന്ഡക്സ് ( ബി.എം.ഐ ) ഔദ്യോഗികമായി രേഖപ്പെടുത്താന് പോലീസ് ഹെഡ്കോട്ടേഴ്സ് തീരുമാനിച്ചതായി അറിയിച്ചുകൊണ്ട് ഡിജിപി ജി. പി സിംഗ് ട്വീറ്റ് ചെയ്തിട്ടുമുണ്ട്. ബി.എം.ഐ 30ല് കൂടുതലായി അമിതവണ്ണം ഉള്ളവര്ക്ക് ശരീരഭാരം കുറയ്ക്കാന് നവംബര് വരെ സമയം നല്കുമെന്നും അറിയിച്ചിട്ടുണ്ട്.
