ന്യൂഡല്ഹി : ഇന്ത്യന് കമ്പനികളുടെ പ്രതിരോധ ഉപകരണങ്ങള് പ്രദര്ശിപ്പിക്കുന്ന രാജ്യത്തെ എക്കാലത്തെയും വലിയ ഡിഫന്സ് എക്സ്പോ പ്രധാനമന്ത്രി നരേന്ദ്രമോദി ബുധനാഴ്ച ഗുജറാത്തിലെ ഗാന്ധിനഗറില് ഉദ്ഘാടനം ചെയ്തു. ഇതോടെ ‘മിഷന് ഡെഫ്സ്പേസ്’ ആരംഭിച്ചു. ഗുജറാത്തിലെ ബനസ്കന്തയില് 1,000 കോടി രൂപയുടെ ദീസ വ്യോമതാവളത്തിന്റെ തറക്കല്ലിടല് ചടങ്ങും പ്രധാനമന്ത്രി നിര്വ്വഹിച്ചു. ഇത് പ്രതിരോധ സേനയ്ക്ക് ഒരേസമയം വ്യോമ, സമുദ്ര ഓപ്പറേഷനുകള് നടത്താന് പ്രാപ്തമാക്കും. 21 മാസത്തിനുള്ളില് പദ്ധതി പൂര്ത്തിയാകും.
ഒക്ടോബര് 22 വരെ ഗുജറാത്തിലെ ഗാന്ധിനഗറില് എക്സ്പോ തുടരും. ‘അഭിമാനത്തിലേക്കുള്ള പാത’ എന്ന വിഷയത്തിലാണ് പരിപാടിയുടെ 12-ാമത് പതിപ്പ് സംഘടിപ്പിച്ചിരിക്കുന്നത്. ”രാജ്യത്തിന്റെ ശക്തമായ പ്രതിരോധ സംവിധാനവും ‘ആത്മനിര്ഭര് ഭാരത്’ എന്ന ആശയവും പ്രദര്ശിപ്പിക്കുകയാണ് എക്സ്പോ ലക്ഷ്യമിടുന്നത്. പൊതു-സ്വകാര്യ മേഖലയിലെ പ്രവര്ത്തനങ്ങള് പ്രതിരോധ മേഖലയ്ക്ക് ഗുണം ചെയ്യും-” ഗാന്ധിനഗറില് നടന്ന പരിപാടിയില് പ്രതിരോധ മന്ത്രി രാജ്നാഥ് സിംഗ് പറഞ്ഞു.
