സ്വാതന്ത്ര്യത്തിന്റെ അമൃത മഹോത്സവം ജില്ലാതല ആഘോഷം ഇന്ന് (21) കാതോലിക്കേറ്റ് കോളജില്
സ്വാതന്ത്ര്യത്തിന്റെ അമൃത മഹോത്സവത്തിന്റെ ജില്ലാതല ആഘോഷം മാര്ച്ച് 21ന് രാവിലെ 10ന് പത്തനംതിട്ട കാതോലിക്കേറ്റ് കോളജില് ആരോഗ്യ, കുടുംബക്ഷേമ, വനിത – ശിശു വികസന വകുപ്പ് മന്ത്രി വീണാ ജോര്ജ് ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര് ശങ്കരന് മുഖ്യപ്രഭാഷണം നടത്തും. ജില്ലാ കളക്ടര് ഡോ.ദിവ്യ എസ് അയ്യര്, പത്തനംതിട്ട നഗരസഭ ചെയര്മാന് അഡ്വ.ടി.സക്കീര് ഹുസൈന്, ജില്ലാ ലൈബ്രറി കൗണ്സില് പ്രസിഡന്റ് ഡോ.പി.ജെ ഫിലിപ്പ് എന്നിവര് വിശിഷ്ടാതിഥികളാകും. കാതോലിക്കേറ്റ് കോളജ് പ്രിന്സിപ്പല് ഡോ.ഫിലിപ്പോസ് ഉമ്മന് അധ്യക്ഷത വഹിക്കും.
രാവിലെ 9ന് കോളജ് അങ്കണത്തില് നടക്കുന്ന ഗാന്ധിയന് ചിത്രപ്രദര്ശനം സംസ്ഥാന ലൈബ്രറി കൗണ്സില് എക്സിക്യുട്ടീവ് മെമ്പര് പ്രൊഫ.ടി.കെ.ജി നായര് ഉദ്ഘാടനം ചെയ്യും. രാവിലെ 11.30ന് ഭരണഘടനയും മൗലിക അവകാശങ്ങളും എന്ന വിഷയത്തില് നടക്കുന്ന സെമിനാര് സമം സംസ്ഥാന അധ്യക്ഷ പ്രൊഫ.സുജ സൂസന് ജോര്ജ് നയിക്കും. സ്റ്റേറ്റ് ലൈബ്രറി കൗണ്സില് വൈസ് പ്രസിഡന്റ് എ.പി. ജയന് മോഡറേറ്ററാകും. ഉച്ചയ്ക്ക് 12.30ന് സ്വാതന്ത്ര്യത്തിന്റെ 75 വര്ഷങ്ങള് വീഡിയോ ഡോക്യുമെന്ററി പ്രദര്ശിപ്പിക്കും. ഉച്ചകഴിഞ്ഞ് 2.30ന് ഫോക് ലോര് അക്കാദമി ചെയര്മാനും നാടന്പാട്ട് ആചാര്യനുമായ സി.ജെ കുട്ടപ്പന് നയിക്കുന്ന തായില്ലം തിരുവല്ലയുടെ നാടന്പാട്ടും ദൃശ്യവിരുന്നും ഉള്പ്പെടുത്തിയ പാട്ടുപടേനി അരങ്ങേറും.
കൊല്ലമുള സ്മാര്ട്ട് വില്ലേജ് ഓഫീസ് കെട്ടിടത്തിന്റെ ഉദ്ഘാടനം മാര്ച്ച് 21
രാവിലെ 11.30ന് റവന്യു, ഭവന, നിര്മാണ വകുപ്പ് മന്ത്രി കെ.രാജന് നിര്വഹിക്കും. കൊല്ലമുള സെന്റ് മരിയ ഗൊരേത്തി ചര്ച്ച് പാരിഷ് ഹാളില് നടക്കുന്ന സമ്മേളനത്തില് അഡ്വ.പ്രമോദ് നാരായണ് എംഎല്എ അധ്യക്ഷത വഹിക്കും. ആന്റോ ആന്റണി എംപി മുഖ്യ അതിഥിയാവും. പത്തനംതിട്ട ജില്ലാ പഞ്ചായത്ത് പ്രസിഡന്റ് അഡ്വ.ഓമല്ലൂര് ശങ്കരന്, ജില്ല കളക്ടര് ഡോക്ടര് ദിവ്യ എസ് അയ്യര് എന്നിവര് ചടങ്ങില് മുഖ്യപ്രഭാഷണം നടത്തും. സംസ്ഥാന സര്ക്കാരിന്റെ രണ്ടാമത് നൂറ് ദിന കര്മപരിപാടിയുടെ ഭാഗമായാണ് സ്മാര്ട്ട് വില്ലേജ് ഓഫീസ് കെട്ടിടം ഉദ്ഘാടനം ചെയ്യുന്നത്.
കോട്ടാങ്ങല് സ്മാര്ട്ട് വില്ലേജ് ഓഫീസ് നിര്മ്മാണ ഉദ്ഘാടനവും, ധനസഹായ വിതരണപ്രഖ്യാപനവും മാര്ച്ച് 21
മിന്നല് പ്രളയത്തില് 2021ല് കോട്ടാങ്ങല് പഞ്ചായത്തില് വീടിന് നാശനഷ്ടം നേരിട്ടവര്ക്കുള്ള ധനസഹായ വിതരണ പ്രഖ്യാപനവും 44 ലക്ഷം രൂപ മുതല് മുടക്കി കോട്ടാങ്ങല് സ്മാര്ട്ട് വില്ലേജ് ഓഫീസിനായി നിര്മിക്കുന്ന കെട്ടിടത്തിന്റെ നിര്മാണ ഉദ്ഘാടനവും മാര്ച്ച് 21 രാവിലെ പത്തിന് കുളത്തൂര് ദേവി ക്ഷേത്ര ഓഡിറ്റോറിയത്തില് റവന്യു, ഭവന നിര്മാണ വകുപ്പ് മന്ത്രി കെ.രാജന് ഉദ്ഘാടനം ചെയ്യും. ജീവനക്കാര്ക്കുള്ള പ്രശംസാപത്രവും വിതരണം ചെയ്യും. അഡ്വ.പ്രമോദ് നാരായണ് എംഎല്എ അധ്യക്ഷത വഹിക്കും. ആന്റോ ആന്റണി എംപി ചടങ്ങില് മുഖ്യഅതിഥി ആയിരിക്കും. പത്തനംതിട്ട ജില്ലാ പഞ്ചായത്ത് പ്രസിഡന്റ് അഡ്വ.ഓമല്ലൂര് ശങ്കരന് മുഖ്യപ്രഭാഷണം നിര്വഹിക്കും. പത്തനംതിട്ട ജില്ല കളക്ടര് ഡോക്ടര് ദിവ്യ എസ് അയ്യര്, അസിസ്റ്റന്റ് കളക്ടര് സന്ദീപ് കുമാര്, തഹസില്ദാര് എം.ടി ജെയിംസ് തുടങ്ങിയവര് പങ്കെടുക്കും. മിന്നല് പ്രളയത്തില് നാശനഷ്ടം സംഭവിച്ച കോട്ടാങ്ങല് ഗ്രാമപഞ്ചായത്തിലെ 419 വീടുകള്ക്ക് പ്രളയ ദുരിതാശ്വാസ ധനസഹായത്തിന് അര്ഹതയുള്ളതായി കണ്ടെത്തിയിരുന്നു. ഇതിനായി 1,91,53,200 രൂപ ധനസഹായമായി സര്ക്കാര് അനുവദിച്ചിരുന്നു. ഓരോ വ്യക്തികളുടെയും അക്കൗണ്ടുകളിലേക്ക് തുക നിക്ഷേപിച്ചു കൊണ്ടിരിക്കുകയാണ്. സംസ്ഥാന സര്ക്കാരിന്റെ രണ്ടാമത് നൂറു ദിന കര്മപദ്ധതിയുടെ ഭാഗമായാണ് പരിപാടി സംഘടിപ്പിച്ചിട്ടുള്ളത്.
കോന്നി മണ്ഡലത്തില് പ്രകൃതിക്ഷോഭത്തില് നാശനഷ്ടം നേരിട്ടവര്ക്കുള്ള ധനസഹായ വിതരണ പ്രഖ്യാപനം മാര്ച്ച് 21
കോന്നി നിയോജക മണ്ഡലത്തില് ഒക്ടോബര്, നവംബര് മാസങ്ങളില് പ്രകൃതി ക്ഷോഭത്തില് നാശനഷ്ടം നേരിട്ടവര്ക്കുള്ള ധനസഹായ വിതരണ പ്രഖ്യാപനം ഇന്ന്(മാര്ച്ച് 21) വൈകിട്ട് നാലിന് കലഞ്ഞൂര് ആല്ത്തറ ജംഗ്ഷനില് റവന്യു, ഭവന നിര്മാണ വകുപ്പ് മന്ത്രി കെ.രാജന് നിര്വഹിക്കും. അഡ്വ.കെ.യു ജനീഷ് കുമാര് എംഎല്എ അധ്യക്ഷത വഹിക്കും. ആന്റോ ആന്റണി എംപി മുഖ്യാതിഥിയാകും. ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര് ശങ്കരന് മുഖ്യപ്രഭാഷണം നടത്തും. ജില്ലാ കളക്ടര് ഡോ. ദിവ്യ എസ് അയ്യര്, ഡെപ്യുട്ടി കളക്ടര് റ്റി.ജി. ഗോപകുമാര്, കോന്നി തഹസീല്ദാര് കെ. ശ്രീകുമാര്, ജനപ്രതിനിധികള് തുടങ്ങിയവര് പങ്കെടുക്കും. കോന്നി മണ്ഡലത്തില് പ്രകൃതി ക്ഷോഭത്തില് നാശനഷ്ടം സംഭവിച്ച 1007 വീടുകള്ക്ക് ദുരിതാശ്വാസ ധനസഹായത്തിന് അര്ഹതയുള്ളതായി കണ്ടെത്തിയിരുന്നു. അപേക്ഷകര്ക്ക് എല്ലാമായി 1,96,24,250 രൂപ ധനസഹായമായി സര്ക്കാര് അനുവദിച്ചിരുന്നു. ഓരോ വ്യക്തിയുടെയും അക്കൗണ്ടിലേക്ക് തുക നിക്ഷേപിച്ചു കൊണ്ടിരിക്കുകയാണ്.
റാന്നി നോളജ് വില്ലേജ് വിദ്യാഭ്യാസ മാര്ഗരേഖയുടെയും ഇ-ബുക്ക് ആവിഷ്കാറിന്റേയും പ്രകാശനം 21ന്
റാന്നി നോളജ് വില്ലേജ് വിദ്യാഭ്യാസ മാര്ഗരേഖയുടെയും ഇ-ബുക്ക് ആവിഷ്കാറിന്റേയും പ്രകാശനം മാര്ച്ച് 21 ഉച്ചകഴിഞ്ഞ് 2.30ന് റാന്നി എംഎസ് ഹയര്സെക്കന്ഡറി സ്കൂളില് വിദ്യാഭ്യാസമന്ത്രി വി.ശിവന്കുട്ടി നിര്വഹിക്കും. ചീഫ് വിപ്പ് ഡോ.എന്.ജയരാജ് വിദ്യാഭ്യാസ മാര്ഗരേഖ സ്വീകരിക്കും. നോളജ് വില്ലേജ് കോ – ഓര്ഡിനേറ്റര് രാജേഷ് എസ് വള്ളിക്കോട് മാര്ഗരേഖ അവതരണവും എസ്ഐഇടി ഡയറക്ടര് ബി.അബുരാജ് മാര്ഗരേഖ അവലോകനവും നടത്തും. യോഗത്തില് അഡ്വ.പ്രമോദ് നാരായണ് എംഎല്എ അധ്യക്ഷനാകും.
അങ്കണവാടി മുതല് ഉന്നത വിദ്യാഭ്യാസ രംഗം വരെയുള്ള വിദ്യാഭ്യാസ പ്രവര്ത്തനങ്ങള്ക്ക് പുതിയ ദിശയും ലക്ഷ്യവും നല്കാന് നോളജ് വില്ലേജ് പ്രവര്ത്തനങ്ങള് വഴി കഴിഞ്ഞിട്ടുണ്ട്. ഇതിന്റെ ഭാഗമായുള്ള ഇന്നവേഷന് ഹബ് ഉള്പ്പെടെയുള്ള സ്കില് പാര്ക്ക് ആരംഭിക്കാന് സംസ്ഥാന സര്ക്കാര് 10 കോടി രൂപ ബജറ്റില് വകയിരുത്തിയിട്ടുണ്ടെന്ന് എംഎല്എ പറഞ്ഞു. റാന്നി നിയോജക മണ്ഡലത്തിലെ എല്ലാ വിദ്യാലയങ്ങളുടെയും പ്രാതിനിധ്യം ഉറപ്പാക്കിക്കൊണ്ട് കുട്ടികളുടെ സര്ഗാത്മക ആവിഷ്കാരങ്ങളും സാമൂഹ്യ ഇടപെടലുകളും രേഖപ്പെടുത്തുന്ന ഇ – ബുക്ക് ആവിഷ്ക്കാര് കേരളത്തിലെ തന്നെ ആദ്യ ഉദ്യമം ആണെന്ന് അദ്ദേഹം പറഞ്ഞു.
