സാക്ഷ്യപത്രം സമര്പ്പിക്കണം
ഇലന്തൂര് ഗ്രാമപഞ്ചായത്തില് നിന്നും വിധവ പെന്ഷന് / 50 വയസ് കഴിഞ്ഞ അവിവാഹിത പെന്ഷന് കൈപ്പറ്റുന്ന ഗുണഭോക്താക്കളില് ഈ വര്ഷം ജനുവരി ഒന്നിന് (01.01.2022) 60 വയസ് പൂര്ത്തിയാകാത്തവര് 2022 വര്ഷത്തെ പെന്ഷന് ലഭിക്കുന്നതിനായി വിവാഹിത/പുനര്വിവാഹിതയല്ലെന്നുളള സാക്ഷ്യപത്രം 2021 ഡിസംബര് മുതല് സമര്പ്പിച്ചിട്ടില്ലാത്ത പക്ഷം, ഏപ്രില് 30 നുള്ളില് പഞ്ചായത്ത് ഓഫീസില് ഹാജരാക്കണം. ഈ സമയ പരിധിക്കുളളില് സര്ട്ടിഫിക്കറ്റുകള് സമര്പ്പിക്കാത്തവര്ക്ക് തുടര്ന്ന് സര്ട്ടിഫിക്കറ്റ് സമര്പ്പിച്ച് സേവന സോഫ്റ്റ് വെയറില് അപ് ലോഡ് ചെയ്യുന്ന സമയം മുതലുളള പെന്ഷനു മാത്രമേ അര്ഹതയുളളൂ. തടയപ്പെടുന്ന മാസത്തിലെ പെന്ഷന് കുടിശികയ്ക്ക് ഗുണഭോക്താവിന് അര്ഹത ഉണ്ടായിരിക്കുന്നതല്ലെന്നും ഇലന്തൂര് ഗ്രാമപഞ്ചായത്ത് സെക്രട്ടറി അറിയിച്ചു. ഫോണ് : 0468 – 2362037.
തൊഴില് മേള
തിരുവനന്തപുരം തൈക്കാട് ദേശീയ സേവന കേന്ദ്രവും (എന്.സി.എസ്.സി ഫോര് എസ്.സി /എസ്.ടി) കേരള സര്ക്കാരിന്റെ പട്ടികജാതി വികസന വകുപ്പിനു കീഴില് കൊല്ലം ജില്ലയിലെ ഐ.ടി.ഐ യും സംയുക്തമായി പട്ടികജാതി /വര്ഗത്തില്പെട്ട ഐ.ടി.ഐ ഇലക് ട്രീഷ്യന് , പ്ലംബര്, കാര്പെന്റര്, ഡ്രാഫ്റ്റ്സ്മാന് സിവില്, മെക്കാനിക്കല്, ഡി.ടി.പി, ഓട്ടോകാഡ്, ടാലി പാസായ ഉദ്യോഗാര്ഥികള്ക്ക് മാത്രമായി മെയില് തൊഴില്മേള സംഘടിപ്പിക്കും. ഐ.ടി.ഐ പാസായ ഉദ്യോഗാര്ഥികളെ ആവശ്യമുളള സ്വകാര്യ സ്ഥാപനങ്ങളില് നിന്നും അപേക്ഷകള് ക്ഷണിച്ചു. ഈ തൊഴില് മേളയില് പങ്കെടുക്കുന്നതിന് ഫീസ് ഈടാക്കുന്നതല്ല. താത്പര്യമുളള സ്വകാര്യ സ്ഥാപനങ്ങള് മെയ് 13 നകം [email protected] എന്ന ഇ-മെയിലേക്ക് ഒഴിവുകളുടെ വിശദ വിവരങ്ങള് അയച്ചു തരണം. ഫോണ് :0471 – 2332113, 8304009409.
യോഗം
സുസ്ഥിര കാര്ഷിക വികസനത്തിനായി സുരക്ഷിത ഭക്ഷ്യ ഉത്പാദനത്തിനായി എല്ലാ കുടുംബങ്ങളെയും സജ്ജമാക്കുന്ന പദ്ധതിയായ ഞങ്ങളും കൃഷിയിലേക്ക് നടപ്പാക്കുന്നതിനായി മലയാലപ്പുഴ കൃഷി ഭവനില് ഏപ്രില് 19 ന് രാവിലെ 10.30 ന് പാമ്പേറ്റുമല സാംസ്കാരിക നിലയത്തില് യോഗം ചേരും.
