ന്യൂഡല്ഹി : ക്ലൗഡ് അധിഷ്ഠിത ആര്ക്കിടെക്ചറല് ഡിസൈന് സോഫ്റ്റ്വെയര് സ്റ്റാര്ട്ടപ്പായ ഇന്ഫ്യൂര്ണിയ ടെക്നോളജീസ് പ്രാഥമിക ഓഹരി വില്പ്പനയ്ക്കൊരുങ്ങുന്നു. ഇതിന് മുന്നോടിയായി മാര്ക്കറ്റ് റെഗുലേറ്റര് സെബിക്ക് മുമ്ബാകെ ഡ്രാഫ്റ്റ് റെഡ് ഹെറിംഗ് പ്രോസ്പെക്ടസ് സമര്പ്പിച്ചു. ഐപിഒയിലൂടെ 38.2 കോടി രൂപ സമാഹരിക്കാനാണ് സ്റ്റാര്ട്ടപ്പ് കമ്ബനി ലക്ഷ്യമിടുന്നത്.
ഐപിഒയിലൂടെ പൂര്ണമായും പുതിയ ഓഹരികളായിരിക്കും കൈമാറുക. ഓഹരികള് ബിഎസ്ഇ സ്റ്റാര്ട്ടപ്പ് പ്ലാറ്റ്ഫോമില് ലിസ്റ്റ് ചെയ്യും. നിഖില് കുമാറും ലവ്പ്രീത് മന്നുമാണ് ഇന്ഫുര്ണിയയുടെ സ്ഥാപകര്. ഇന്ഫുര്ണിയയില് കുമാറിന് 30.63 ശതമാനം ഓഹരിയും മന്നിന് 20 ശതമാനം ഓഹരിയുമുണ്ട്. മൊത്തത്തില്, സ്റ്റാര്ട്ടപ്പിലെ പ്രൊമോട്ടര് ഷെയര്ഹോള്ഡിംഗ് 50.64 ശതമാനമാണ്.
