മൂലമറ്റം: ഓണക്കിറ്റിലെ ചെറുപയര് പായ്ക്കറ്റിനുള്ളില് നിറയെ ചെള്ളുകളെന്ന് പരാതി. മൂലമറ്റം സ്വദേശിക്ക് കിട്ടിയ ഓണക്കിറ്റിലാണ് ചെള്ളുകള് നിറഞ്ഞ ചെറുപയര് പായ്ക്കറ്റ് കണ്ടത്. റേഷന് കാര്ഡ് ഉടമകള്ക്ക് നല്കുന്ന ഓണക്കിറ്റിലെ സാധനങ്ങള് നിലവാരം കുറഞ്ഞതാണെന്ന പരാതി വ്യാപകമായി ഉയര്ന്നിരുന്നു.
അതിനിടെയാണ് ചെറുപയര് പായ്ക്കറ്റിനുള്ളില് ചെള്ളിനെ കണ്ടത്. കഴിഞ്ഞ തവണകളില് കിട്ടിയ കടലയിലും പയറിലും എല്ലാം ചെള്ളുകളുള്ളതും കുത്തിയതുമായിരുന്നു. സപ്ലെകൊയുടെ പായ്ക്കറ്റുകളാണ് ഇത്. സംഭവത്തില് അന്വേഷണം വേണമെന്ന് നാട്ടുകാര് ആവശ്യപ്പെട്ടു.
