കൊച്ചി: മലപ്പുറം താനൂരിലുണ്ടായ ബോട്ടപകടത്തെ തുടര്ന്ന് ബോട്ടപകടം ഒഴിവാക്കാന് നിര്ദേശങ്ങളുമായി ഹൈക്കോടതി. ബോട്ടില് ആളെ കയറ്റുന്നിടത്ത് എത്ര പേരെ കയറ്റാന് സാധിക്കും എന്ന് എഴുതി വെക്കണം. ആളുകള് കയറാന് പാടില്ലാത്ത സ്ഥലങ്ങളില് ബാരിക്കേഡ് സ്ഥാപിക്കണം. ലൈഫ് ജാക്കറ്റില്ലാതെ യാത്ര അനുവദിക്കരുതെന്നും കോടതി നിര്ദേശിച്ചു.
ബോട്ടില് അനുവദനീയമായവരുടെ എണ്ണം ഇംഗ്ലീഷിലും മലയാളത്തിലും എഴുതി വെക്കണം. അപ്പര് ഡെക്കില് എത്രപേരാണ് അനുവദനീയമായിട്ടുള്ളത് എന്നതും എഴുതി പ്രദര്ശിപ്പിക്കണമെന്ന് കോടതി നിര്ദേശിച്ചു. താനൂര് ബോട്ടപകടത്തില് മലപ്പുറം ജില്ലാ കലക്ടര് ഹൈക്കോടതിയില് പ്രാഥമിക റിപ്പോര്ട്ട് സമര്പ്പിച്ചു. ബോട്ടില് 22 പേര്ക്ക് യാത്ര ചെയ്യാനുള്ള അനുമതിയാണ് ഉണ്ടായിരുന്നത്. എന്നാല് 37 പേര് കയറി. ഓവര് ലോഡാണ് അപകടത്തിന് കാരണമെന്നും റിപ്പോര്ട്ടില് ചൂണ്ടിക്കാട്ടി.
