തിരുവനന്തപുരം : അവയവദാനവുമായി ബന്ധപ്പെട്ട് സമഗ്ര പ്രോട്ടോകോള് രൂപീകരിക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ടീംവര്ക്ക് ഉണ്ടാകണം. കെ സോട്ടോ എന്തൊക്കെ ചെയ്യണമെന്ന് സംബന്ധിച്ചുള്ള ആക്ഷന്പ്ലാന് ഉണ്ടാക്കണം. ആശുപത്രികളില് ഒരു ട്രാന്സ്പ്ലാന്റ് ടീമിനെ സജ്ജമാക്കണം. പത്ത് മുതല് പതിനഞ്ച് വര്ഷത്തെ പരിചയമുള്ള ഫാക്വല്റ്റികളെ കൂടി അവയവദാന പ്രക്രിയയില് പ്രാപ്തമാക്കി കൂടുതല് ശസ്ത്രക്രിയകള് നടത്തണമെന്നും മന്ത്രി നിര്ദേശം നല്കി.
അവയവദാന പ്രവര്ത്തനങ്ങള് പ്രായോഗികമായി നടപ്പിലാക്കുന്നതിന് വേണ്ടിയാണ് പ്രോട്ടോകോള് നവീകരിച്ച് സമഗ്രമാക്കുന്നത്. ഓരോ മെഡിക്കല് കോളേജും കൃത്യമായ അവലോകന യോഗം നടത്തി പ്രവര്ത്തനങ്ങള് വിലയിരുത്താന് മന്ത്രി നിര്ദേശം നല്കി. ഒരു ടീം തന്നെ അവയവദാന പ്രക്രിയ പൂര്ത്തിയാക്കുന്നതിലെ ബുദ്ധിമുട്ട് പരിഹരിക്കാന് മറ്റൊരു ടീമിനെക്കൂടി സജ്ജമാക്കി നിയോഗിക്കണം. പരീശീലനം നേടിയ ആത്മാര്ത്ഥമായ സംഘത്തെ ഓരോ മെഡിക്കല് കോളേജും സജ്ജമാക്കണം.
