കോന്നി : എലിയറക്കൽ ഗാന്ധിഭവൻ ദേവലോകവും ഇലന്തൂർ ഗവണ്മെന്റ് ആർട്സ് ആൻഡ് സയൻസ് കോളേജും സംയുക്തമായി സംഘടിപ്പിച്ച അന്താരാഷ്ട്ര വയോജന ദിനാചരണവും സ്നേഹാദരവും ഇലന്തൂർ ഗവണ്മെന്റ് ആർട്സ് ആൻഡ് സയൻസ് കോളേജ് അസിസ്റ്റന്റ് പ്രൊഫസർ ബിന്ദു ആർ ഉത്ഘാടനം ചെയ്തു. പ്രായമേ കടക്കു പുറത്ത് എന്ന വിഷയത്തിൽ അദ്ധ്യാപകനും എഴുത്തുകാരനുമായ കെ രാജേഷ് കുമാർ മുഖ്യ പ്രഭാഷണം നടത്തി. തുടർന്ന് ഗാന്ധിഭവൻ ദേവലോകത്തിലെ പ്രായമായവരെ ആദരിച്ചു. ഗാന്ധിഭവൻ ദേവലോകം ഡയറക്ടർ മഞ്ജു വിനോദ്, മാധ്യമ പ്രവർത്തകൻ മനോജ് പുളിവേലിൽ, റോജി എബ്രഹാം, അധ്യാപിക ഡോ സന്ധ്യ, ഡോ ഗോപിനാഥൻ, തങ്കം ഗോപിനാഥ്, എൻ എസ് എസ് വളണ്ടിയർ സെക്രട്ടറി ഷൈൻ ബാബു തുടങ്ങിയവർ സംസാരിച്ചു.
