പത്തനംതിട്ട : സഹകരണ സ്ഥാപനങ്ങളിലെ നിക്ഷേപം യഥാസമയം തിരികെ ലഭിക്കാത്തവര്ക്ക് അടിയന്തിരമായി അവര് നിക്ഷേപിച്ച തുക തിരിച്ചു നല്കാനുള്ള സര്ക്കാര് നടപടി സ്വീകരിക്കണമെന്ന് സഹകരണ ജനാധിപത്യവേദി പത്തനംതിട്ട ജില്ലാ കമ്മിറ്റി നേതൃയോഗം ആവശ്യപ്പെട്ടു. ജില്ലയില് 20 ല് പരം സഹകരണ സംഘങ്ങളില് പണം നിക്ഷേപിച്ച പതിനായിരക്കണക്കിന് സഹകാരികളുടെ കോടിക്കണക്കിന് രൂപയാണ് നഷ്ടപ്പെട്ടിരിക്കുന്നത്. കഴിഞ്ഞ പത്തു വര്ഷം കൊണ്ട് സഹകരണ സംഘങ്ങളെ ഗുണ്ടായിസം മൂലം പിടിച്ചെടുത്ത് ഇത്തരം സംഘങ്ങളെ പാര്ട്ടി താല്പര്യത്തിന് വിനിയോഗിച്ചതിന്റെ അനന്തര ഫലമാണ് നിക്ഷേപകരുടെ പണം നഷ്ടപ്പെടാന് കാരണമായതെന്നും യോഗം വിലയിരുത്തി.
നേതൃയോഗം ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് ഉദ്ഘാടനം ചെയ്തു. സഹകരണ ജനാധിപത്യവേദി ജില്ലാ ചെയര്മാന് അഡ്വ. കെ.ജയവര്മ്മ അദ്ധ്യക്ഷത വഹിച്ചു. യോഗത്തില് തോപ്പില് ഗോപകുമാര്, എ.സുരേഷ് കുമാര്, കാട്ടൂര് അബ്ദുള്സലാം, ഹരികുമാര് പൂതങ്കര, പഴകുളം ശിവദാസന്, റജി തോമസ്, കെ.ജി.അജിത് കുമാര്, എസ്.വി.പ്രസന്നകുമാര്, റജി പണിക്കമുറി, കെ.പി.ഫിലിപ്പ്, സതീഷ് തോമസ്, ബിജു തുമ്പമണ് തുടങ്ങിയവര് പ്രസംഗിച്ചു.
