ന്യൂഡല്ഹി : ഇന്ത്യയിലെ വിഗ്രഹങ്ങള് നശിപ്പിക്കണമെന്ന് ആഹ്വാനം ചെയ്ത് ഐസിസ് മാഗസിന്. കര്ണാടകയിലെ മുരുഡേശ്വരിലെ ‘ശിരഛേദം’ ചെയ്ത ശിവ വിഗ്രഹത്തിന്റെ ചിത്രം കവര് ഫോട്ടോ ആയാണ് മാഗസിന് പുതിയ ലക്കം പുറത്തിറക്കിയത്. ഐസിസ് പിന്തുണയുള്ള വോയ്സ് ഓഫ് ഹിന്ദ് മാഗസിന് കംപ്യൂട്ടര് സഹായത്തോടെ നിര്മ്മിച്ച ഫോട്ടോയാണ് മാഗസിന്റെ കവര് ചിത്രമാക്കിയിരിക്കുന്നത്. “വ്യാജ ദൈവങ്ങളെ തകര്ക്കാന് സമയമായെന്ന് ചിത്രത്തിനടിയില് പറയുന്നു.
വിഗ്രഹത്തിന്റെ വികലമായ ചിത്രത്തിന് പുറമെ ഒരു ഐസിസ് പതാകയും സ്ഥാപിച്ചിട്ടുണ്ട്. സോഷ്യല് മീഡിയ പ്ലാറ്റ്ഫോമുകളില് കവര് ചിത്രം പ്രചരിക്കുന്നത് നെറ്റിസണ്മാരില് ആശങ്ക ഉയര്ത്തുന്നു. ചിത്രത്തിലെ വിഗ്രഹം കര്ണാടകയിലെ മുരുഡേശ്വരയിലുള്ള ശിവക്ഷേത്രത്തില് സ്ഥാപിച്ചിരിക്കുന്ന ഭഗവാന് ശിവന്റെ പ്രതിമയോട് സാമ്യമുള്ളതാണ്. കര്ണാടകയിലെ കുമതയില് നിന്നുള്ള ബിജെപി എംഎല്എ ദിനകര് കേശവ് ഷെട്ടിയാണ് ചിത്രം പങ്കുവച്ചത്. തന്റെ ഫേസ്ബുക്ക് അക്കൗണ്ടില് ചിത്രം പങ്കുവെച്ച അദ്ദേഹം ഉചിതമായ നടപടി സ്വീകരിക്കാന് സര്ക്കാരിനോട് അഭ്യര്ത്ഥിച്ചു.
“ഭീകര സംഘടനയായ ഐഎസിന്റെ ‘വോയ്സ് ഓഫ് ഹിന്ദ്’ എന്ന മാസിക മുര്ദേശ്വര ക്ഷേത്രത്തിലെ ശിവപ്രതിമ തകര്ക്കുമെന്ന് പ്രഖ്യാപിച്ചത് സോഷ്യല് മീഡിയയിലൂടെയാണ് എന്റെ ശ്രദ്ധയില്പ്പെട്ടത്. ഹിന്ദു ക്ഷേത്രങ്ങളുടെ സംരക്ഷണവും വികസനവും ഞങ്ങളുടെ പാര്ട്ടിയുടെ പ്രധാന തത്വങ്ങളില് ഒന്നാണ്. അത്തരം ഭീഷണികള്ക്കെതിരെ പ്രവര്ത്തിക്കാന് നമ്മുടെ പ്രതിരോധ വകുപ്പ് ശക്തവും ശക്തവുമാണ്. ഫോണ് മുഖേന ആഭ്യന്തരമന്ത്രിക്ക് വിവരം കൈമാറിക്കഴിഞ്ഞു, മുര്ദേശ്വര ക്ഷേത്രത്തില് കൂടുതല് സുരക്ഷ ഉടന് ഒരുക്കും. ദിനകര് കേശവ് ഷെട്ടി കുറിച്ചു.