ദില്ലി : ഇസ്രായേല് പ്രധാനമന്ത്രി നാഫ്തലി ബെന്നറ്റിന് കൊവിഡ് സ്ഥിരീകരിച്ച സാഹചര്യത്തിൽ അദ്ദേഹത്തിന്റെ ഇന്ത്യ സന്ദര്ശനം മാറ്റിവെച്ചു. ഏപ്രില് മൂന്ന് മുതല് അഞ്ച് വരെയായിരുന്നു നേരത്തെ സന്ദര്ശനം നിശ്ചയിച്ചിരുന്നത്. ഇന്ത്യ- ഇസ്രായേല് നയതന്ത്ര ബന്ധത്തിന്റെ മുപ്പതാം വാര്ഷികത്തില് പ്രധാനമന്ത്രി നരേന്ദ്രമോദിയുടെ പ്രത്യേക ക്ഷണം സ്വീകരിച്ചാണ് നഫ്താലി ബെന്നറ്റ് ഇന്ത്യ സന്ദര്ശിക്കാന് തീരുമാനിച്ചത്. കൂടുതല് മേഖലകളില് ഉഭയകക്ഷി സഹകരണത്തിനും സന്ദര്ശനം ലക്ഷ്യമിട്ടിരുന്നു. പുതുക്കിയ തീയതി പിന്നീടറിയിക്കുമെന്ന് ഇന്ത്യയിലെ ഇസ്രായേല് എംബസി വ്യക്തമാക്കി.
