തിരുവനന്തപുരം: ഐ.എസ്.ആര്.ഒ ചാരക്കേസിന് പിന്നിലെ ഗൂഢാലോചനയില് സുപ്രീംകോടതി നിയോഗിച്ച ഡി.കെ ജെയിന് കമ്മിറ്റി തെളിവെടുപ്പ് തുടങ്ങി. സെക്രട്ടറിയേറ്റ് അനക്സില് വെച്ചാണ് തെളിവെടുപ്പ് നടക്കുന്നത്. ഐഎസ്ആര്ഒ മുന് ശാസ്ത്രജ്ഞന് നമ്പി നാരായണനില് നിന്ന് കമ്മിറ്റി മൊഴിയെടുത്തു.
ഓണ്ലൈനായാണ് കമ്മിറ്റി അദ്ധ്യക്ഷന് ഡി.കെ ജെയിന് പങ്കെടുക്കുന്നത്. കമ്മിറ്റി അംഗങ്ങളായ വി.എസ് സെന്തിലും ഡി.കെ പ്രസാും സിറ്റിംഗില് നേരില് പങ്കെടുക്കുന്നുണ്ട്. ഇന്നും നാളെയുമാണ് തെളിവെടുപ്പ് നടക്കുക. 2018ലാണ് സുപ്രീംകോടതി ഐ.എസ്.ആര്.ഒ ചാരക്കേസിന് പിന്നിലെ ഗൂഢാലോചന അന്വേഷിക്കാന് സമിതിയെ നിയോഗിച്ചത്. സമൂഹത്തിലെ ഉന്നതവ്യക്തിത്വമായ ശാസ്ത്രജ്ഞനെ സംശയത്തിന്റെ മുനയില് നിര്ത്തിയത് ഗുരുതരമായ പിഴവാണെന്ന് കോടതി നിരീക്ഷിച്ചിരുന്നു.
