കോഴിക്കോട് : നാദാപുരം ചിയ്യൂരില് യു.ഡി.എഫ് പ്രവര്ത്തകരും പോലീസും തമ്മിലുണ്ടായ സംഘര്ഷത്തെ തുടര്ന്ന് പോലീസ് ഗ്രനേഡ് പ്രയോഗിച്ചു. കൂട്ടംകൂടി നിന്നവരെ പിരിച്ചുവിടാനുള്ള ശ്രമമാണ് സംഘര്ഷത്തിലേക്ക് നയിച്ചത്.
ബൂത്തിനടുത്ത് കൂട്ടം കൂടി നിന്ന പ്രവര്ത്തകരെ പിരിഞ്ഞു പോകാന് പോലീസ് ആവശ്യപ്പെട്ടിരുന്നു. ഇതിന് തയാറാവാത്തതോടെ ലാത്തി വീശി വിരട്ടിയോടിക്കാന് ശ്രമിച്ചു. ഇത് സംഘര്ഷത്തില് കലാശിക്കുകയായിരുന്നു. പോലീസിനു നേരെ പ്രവര്ത്തകര് കല്ലെറിഞ്ഞു. കല്ലേറില് മൂന്ന് പോലീസ് വാഹനങ്ങളുടെ ചില്ലുകള് തകര്ന്നു. തുടര്ന്നാണ് പോലീസ് ഗ്രനേഡ് പ്രയോഗിച്ചത്.
