കോഴഞ്ചേരി : ഓരോ സമുദായ വിഭാഗങ്ങൾക്കും ഭരണഘടന അനുസൃതമായ അവകാശങ്ങൾ ഉറപ്പുവരുത്തേണ്ടത് സർക്കാരിന്റെയും മുന്നണിയുടെയും ഉത്തരവാദിത്തമാണെന്ന് അഖില കേരള പണ്ഡിതർ മഹാജന സഭ ജനറൽ സെക്രട്ടറി ഷിജുകുമാർ എരുമേലി പറഞ്ഞു. അഖില കേരള പണ്ഡിതർ മഹാജന സഭ ആറന്മുള – തിരുവല്ല നിയോജകമണ്ഡലം സംയുക്ത കൺവൻഷൻ ഉദ്ഘാടനം ചെയ്യുകയായിരുന്നു അദ്ദേഹം. ഉത്തരവാദിത്വം പാലിക്കപ്പെട്ടില്ലെങ്കിൽ അതിനെതിരെ ശബ്ദമുയർത്താൻ അഖില കേരള പണ്ഡിതർ മഹാജന സഭ നിർബന്ധിതരായി തീരുമെന്നും അദ്ദേഹം പറഞ്ഞു.
ജില്ലാ പ്രസിഡന്റ് പി.പി.വിജയൻ അധ്യക്ഷത വഹിച്ചു. സംസ്ഥാന പ്രസിഡന്റ് സി.ജി ശശിചന്ദ്രൻ, ട്രഷറർ കെ.എസ് രാജൻ, സെക്രട്ടറി വി.എൻ തങ്കപ്പൻ, ടി.കെ വാസുദേവൻ, മിനി രാജു, ഷീബ നന്ദകുമാർ, എൻ. എൻ.മോഹൻദാസ്, സി കെ സുരേഷ് ബാബു, കെ.കെ വിജയൻ, രാജേന്ദ്രൻ ടി.കെ, കെ.എം ബാലൻ, വി എൻ ശശി, തമ്പി കൊച്ചുപറമ്പിൽ എന്നിവർ പ്രസംഗിച്ചു.
