ഇറ്റലി : ഇറ്റലിയില് പ്രധാനമന്ത്രി മരിയോ ദ്രാഹി രാജിവച്ചു. പണപ്പെരുപ്പവും ഇന്ധനവില വര്ധനവും അടക്കമുള്ള വിഷയങ്ങളില് രാജ്യത്ത് ശക്തമായ പ്രതിഷേധം ഉയരവെയാണ് പ്രധാനമന്ത്രി രാജിവച്ചിരിക്കുന്നത്. അവിശ്വാസ പ്രമേയത്തില് ഭൂരിപക്ഷം തെളിയിക്കാതെ വന്നതിനെ തുടര്ന്നാണ് രാജി.
ബുധനാഴ്ചയാണ് സെനറ്റില് അവിശ്വാസ പ്രമേയത്തിന്റെ വോട്ടെടുപ്പ് നടന്നത്. വോട്ടെടുപ്പില് സഖ്യകക്ഷികള് ദ്രാഹിക്ക് വോട്ട് ചെയ്യാതെ മാറി നില്ക്കുകയായിരുന്നു. ഇതോടെ സര്ക്കാര് താഴെവീണു. സെപ്റ്റംബര്, ഒക്ടോബര് മാസത്തില് ഇറ്റലിയില് പൊതു തെരഞ്ഞെടുപ്പു നടക്കുമെന്ന് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തു.
