സ്ത്രീയുടെ നഗ്‌നചിത്രം കാണിച്ച്‌ ഭീഷണിപ്പെടുത്തി ; മന്ത്രി ചിഞ്ചുറാണിയുടെ ഗണ്‍മാനെതിരെ കേസ്

തിരുവനന്തപുരം : മന്ത്രി ജെ.ചിഞ്ചുറാണിയുടെ ഗണ്‍മാന്‍ സുജിത്തിനെതിരെ ജാമ്യമില്ലാ വകുപ്പുപ്രകാരം കേസ്. സ്ത്രീയുടെ നഗ്‌നചിത്രം കാണിച്ച്‌ ഭീഷണിപ്പെടുത്തിയതിനാണ് കേസെടുത്തത്. തൃശൂര്‍ വലപ്പാട് പോലീസ് ആണ് കേസെടുത്തത്. സിവില്‍ പോലീസ് ഓഫിസറായ സുജിത്തിനെതിരെ ഐപിസി 352 വകുപ്പു ചുമത്തി. മന്ത്രിയുടെ സുരക്ഷാ ചുമതലയില്‍നിന്നും ഒഴിവാക്കി. തൃശൂര്‍ വെള്ളിക്കുളങ്ങര പോലീസിനാണ് അന്വേഷണ ചുമതല. അയല്‍വാസിയായ യുവതി ഒരു ചെറുപ്പക്കാരനുമായി അടുപ്പത്തിലായിരുന്നു. ഈ യുവാവുമായി നടത്തിയ വിഡിയോ ചാറ്റിന്റെ ദൃശ്യങ്ങള്‍ കാട്ടിയാണു സുജിത് ഭീഷണിപ്പെടുത്തിയതെന്നാണു വിവരം.