നാഷണൽ ടെസ്റ്റിംഗ് ഏജൻസി (എൻടിഎ) നടത്തുന്ന ജോയിന്റ് എൻട്രൻസ് എക്സാമിനേഷൻ (ജെഇഇ) 2022 രണ്ടാം സെഷനിലേക്ക് ജൂൺ 30 രാത്രി 9 മണി വരെ അപേക്ഷിക്കാം. അപേക്ഷാ ഫീസ് അടയ്ക്കാനുള്ള സമയം രാത്രി 11.50 വരെയാണ്. ആദ്യ സെഷനിൽ അപേക്ഷിക്കുകയും ഫീസ് അടയ്ക്കുകയും ചെയ്തവർക്ക് ആവശ്യമെങ്കിൽ ആദ്യ സെഷനിൽ ഉപയോഗിക്കുന്ന ആപ്ലിക്കേഷൻ നമ്പറും പാസ്‌വേഡും നൽകി രണ്ടാം സെഷനിലേക്ക് അപേക്ഷിക്കാം.
എഴുതേണ്ട പേപ്പറുകൾ, പരീക്ഷയുടെ മാധ്യമം, പരീക്ഷാകേന്ദ്രങ്ങളുടെ താൽപ്പര്യം എന്നിവ നൽകിയാണ് ബാധകമായ ഫീസ് അടയ്ക്കേണ്ടത്. ആദ്യ സെഷനിൽ അപേക്ഷിക്കാത്തവർ പുതുതായി അപേക്ഷിക്കണം. വെബ് സൈറ്റിലെ ഇൻഫർമേഷൻ ബുള്ളറ്റിനിൽ വിശദീകരിച്ചിരിക്കുന്ന പ്രകാരം സെഷൻ 1-ൻ ബാധകമായ രജിസ്ട്രേഷൻ അപേക്ഷാ സമർപ്പണം പൂർത്തിയാക്കണം. ജൂലൈ 21 മുതൽ 30 വരെയാണ് പരീക്ഷ.
