കലവൂര് : രാഷ്ട്രീയ നിരീക്ഷകനും എഴുത്തുകാരനുമായ ജിതിന് കെ ജേക്കബിന്റെ പിതാവ് കെ എം ജേക്കബ് അന്തരിച്ചു. വാഹനാപകടത്തെ തുടര്ന്നാണ് മരണം. ഇരുചക്ര വാഹനത്തില് വരികയായിരുന്ന അദ്ദേഹത്തെ എതിര്ദിശയില് നിന്നും വന്ന വാഹനം ഇടിച്ചശേഷം നിര്ത്താതെ പോവുകയായിരുന്നു. നാഷണല് ഹൈവേയില് ഇന്നലെ രാത്രിയായിരുന്നു സംഭവം.
സംഭവത്തില് പോലീസ് അന്വേഷണം ആരംഭിച്ചു. സിസിടിവി ദൃശ്യങ്ങള് നോക്കി ഇടിച്ച വാഹനം കണ്ടെത്താനാകുമെന്നാണ് പോലീസ് കരുതുന്നത്. സംസ്കാര കര്മ്മങ്ങള് ഇന്ന് 3 മണിക്ക് ആലപ്പുഴ കലവൂര് ലിറ്റില് ഫ്ളവര് പള്ളിയില് വെച്ച് നടത്തുമെന്ന് കുടുംബക്കാര് അറിയിച്ചു. സിനിമാ – രാഷ്ട്രീയ – സമകാലീന വിഷയങ്ങളിലെല്ലാം തന്റെതായ നിലപാടുകളില് ഉറച്ച് നില്ക്കുകയും സോഷ്യല് മീഡിയകള് വഴി തന്റെ അഭിപ്രായങ്ങള് തുറന്നു പറയുകയും ചെയ്യുന്ന ജിതിന്റെ പിതാവാണ് അദ്ദേഹം.